दमक/
कोशी प्रदेशमा अहिले नेपाली काग्रेस संसदीय दलका नेता उद्धव थापाले मुख्यमन्त्रीको दावि पेष गर्नु भएको छ । उहाँले सभामुखलाई समेत राजिनामा गराएर ४७ जना सांसदको हस्ताक्षर गराएर प्रदेश प्रमुखलाई आफ्नो दावि पेष गरेको र प्रदेश प्रमुखले उहाँलाई मुख्यमन्त्रीमा नियूक्ति गर्नु भएको पनि एक साता बितिसकेको छ ।
नेपाली काग्रेस सहित , माओवादी केन्द्र, नेकपा एकिकृत समाजवादी, जनता समाजवादी सहितका सांसदहरुको हस्ताक्षर गराएर उहाँले ४७ संसादको समर्थनमा आफुलाई मुख्यमन्त्रीमा दावि पेष गरेपनि विस्वासको मत लिने बेला सम्ममा परिस्थिती बेग्लै बन्ने आँकलन प्रदेश सांसद होम बहादुर थापाको छ ।
थापाले उज्यालो खवरसँग कुराकानी गर्दै भन्नु भयो ‘उहाँलाई जतिले अहिले समर्थन गर्नु भएको छ ती सबैले विस्वासको मत दिनै हाल्नु हुन्छ भन्ने कुनै यकीन छैन । कोहि एक जनाको मात्रै मत कम भयो भने सरकार अल्पमतमा पर्छ र फेरि सबै भन्दा ठुलो दल भएकोले नेकपा एमालेकै नेतृत्वमा सरकार बन्छ ।’
अनी एमालेले चाहि त्यस बेला विस्वासको मत लिन सक्छ त? अवस्था त यही आउला नी? भनेर उज्यालोले गरेको प्रश्नमा उहाँ भन्नु हुन्छ ‘एमालेलाई पनि चुनौती छ तर त्यो अवस्थामा पनि विस्वासको मत एमालेले पाएन भने पनि अर्कोे प्रकृयामा कोहि सांसदले अधिकतम सांसदको हस्ताक्षर सहित मुख्यमन्त्रीमा दावि पेष गर्न पाउने प्रावधान छ । त्यो बेला दलको पनि कुनै ह्विप नलाग्ने भएकोले एमालेका संसदीय दलका नेता हिकमत कार्कीलाईनै हामी अघी बढाउँछौ । उहाँले कोहि एक दुई सांसदसँग गफ गरेर सहमतीमा ल्याउन सक्नु हुन्छ र कोशी प्रदेशमा एमालेको सरकार बन्छ । ’ सांसद थापाले बताउनु भयो ।
प्रदेशको अहिलेको अवस्था र अवको निकासका बारेमा सांसद थापासँग गरिएको संवाद तलको भिडियो लिकंमा राखीएको छ ।
