दमक/
झापाको दमकमा सात दिन देखी फोहोर उठ्न सकेको छैन । फोहोर उठाउने जिम्मा लिएको नेक्स्ट इरा इनर्जी प्रालि फोहोर फाल्ने ठाउँ उपलब्ध नगराएसम्म फोहोर नउठाउने अड्डी कसेर बसेको छ । यता दमक नगरपालिका फोहोर फाल्ने ठाउँ खोज्न वार्ता समिती बनाएर अघी बढ्न खोजीरहेको छ । जेजे गरेर भएपनि दमकको फोहोर उठ्नु पर्छ । दमक सफा हुनु पर्छ । यो आम दमक बासीको माग हो । सात दिन देखी फोहोर नउठेपछि यहाँका केहि सामाजीक सस्थाहरुले फोहोर उठाउन थालेका छन् । त्यसरी संकलन गरिएको फोहोर आफ्नै जग्गामा खाडल खनेर पुर्ने भन्दै उनीहरुले फोहोर उठाइरहेका छन् । यो दमक नगरपालिका र फोहोर संकलन गर्नेहरुकालागि एउटा दवाव रहेको फोहोर संकलन गरिरहेको सुन्दर समाज नेपाल दमककी अध्यक्ष बिन्दु सिटौला लक्कीले बताउनु भयो ।
एक साता देखी दमक वासी फोहोरको दुर्घन्द सहेर बसीरहेका छन् । बाटाभरी फोहोर असरल्ल छरिएका छन् । यसले दमकको सुन्दरतामा प्रश्न चिन्ह त उठाएको छ नै यसले दमकबासीको स्वास्थ्य जस्तो संवेदनशिल कुरामा पनी चिन्ता बढाइरहेको छ । फोहोर फाल्ने ठाउँ खोज्नु र त्यसको उपलब्धता गराइदिनु दमक नगरपालिकाको दायीत्व हो । .यस अघी अहिले अर्थात नेक्स इरा इनर्जी प्रालीको परियोजना सञ्चालन भएको पूर्व पट्टि रतुवा नदिको किनारमा खाडल खनेर गाड्ने गरिन्थ्यो । तर अहिले त्यो ठाउँ भरीएको र अव फाल्नेनै ठाउँ नभएपछि फोहोर उठाउन स्थगीत गरिएको छ । दमक नगरपालिकाका प्रमुख राम कुमार थापाले फोहोर नउठेको सात दिन पछि सर्वपक्षीय भेला गराएर यसको निकास निकाल्न छलफल गराउनु भएको छ । छलफलमा उहाँले तीनवटा विकल्पका बारेमा फल्लोरलाई जानकारी पनि गराउनु भयो । उहाँका अनुसार अहिले परियोजना सञ्चालन भएको पूर्व उत्तर तर्फको क्षेत्रमा, परियोजना सञ्चालन भएको दक्षिण पूर्व तर्फ र अर्को विकल्प रवि जाने सडकको पश्चिम पट्टि फोहोर फाल्न सकिने विकल्पका बारेमा बैठकमा राख्नु भयो ।
तर यी सबै क्षेत्र वनको क्षेत्रमा पर्छ । अर्थात यहाँ रहेको हंसे दुम्से सामुदायीक वनमा पर्छ । यही वनसँग दिर्घकालीन रुपमा काम गर्ने गरि गुरु योजनानै बनाएर काम गर्ने भनेर वनसँग वार्ता गर्ने भन्दै वाता समिती बनाइएको छ । नगर प्रमुख राम कुमार थापाको संयोजकत्वमा गठीत सो वार्ता समितीमा उप प्रमुख रेगिना भट्टराई, प्रमुख प्रशाषकिय अधिकृत गणेश कार्की सहित छलफलमा आएका विभिन्न ५ राजनैतिक दल, दमक उद्योग वाणिज्य सघं लगायत प्रतिनिधी रहेका छन् । तर यस्ता वार्ता समितीबाट कुनै निचोड ननिस्कने र सोझै दमक नगरपालिकाले नेपाल सरकारको मन्त्री परिषदबाट निर्णय गराएर नल्याए सम्म यहाँ कुनै काम गर्नै नदिने डीभिजन वन कार्वालय झापाका प्रमुख मेघराज राईले बताउनु भयो ।
दमकमा अहिले खास गरेर नकुने फोहोर र बर्गीकरण नगरिएका फोहोरहरु नउठेका हुन । कुहिने फोहोरबाट अहिले उर्जा उत्पादन र प्राङ्गारीक मल उत्पादनको काम भइरहेको छ ।
भिडियोमा हेरौं










