दमक / झापा दमक निवासी विशिष्ट लोकगायक लक्ष्मीप्रसाद जोशीको बिहिबार साँझ ८ः०५ मा निधन भएको छ ।
केही समययता शारीरिक रूपमा कमजोर बन्दै जानू भएका जोशीको ८८ वर्षको उमेरमा निधन भएको हो ।
साउन ६ गते गुरु पूर्निमाको दिन सुरभि कलाकेन्द्र दमकले उहाँलाई पछिल्लोपटक सम्मान गरेको थियो ।
दमकमै बसेर थोरै गीत गाएपनि ६६ वर्ष अघि रेकर्ड भएको रिटिङ रिटिङ सहितका कालजयी गीतका नेपालकै ऐतिहासिक लोकगायक जोशीको निधनमा देश विदेशका सर्जकहरूले श्रद्धाञ्जली अर्पण गर्दै दु:ख व्यक्त गरेका छ्न ।
गायनका साथै चित्रकला, नृत्यकला, नाटक र केही चलचित्र समेतमा योगदान दिनुभएका उहाँको गीत कविताको एउटा पुस्तक समेत प्रकाशित छ ।
