सेवाग्राहीलाई साँच्चैको सेवा

भत्ता नवीकरण गर्न शनिबारले पनि छेकेन

 

दमक, १२ साउन / सार्वजनिक बिदाको दिन । तर कार्यालयमा सेवाग्राहीको भिडभाड देखिन्छ । शनिबारको दिनपनि कार्यालय खुलेर धमाधम काम भइरहेको देखेपछि त्यो दृष्य देख्नेहरुका लागि बिदाको दिन किन कार्यालय खुल्यो भन्ने जिज्ञासा बढ्छ ।

 

 

बिदा नभएको दिनमा पनि कतिपय सरकारी कार्यालयमा काम सुस्त हुने गरेको परिवेशमा झापास्थित दमक नगरपालिकाको ५ नम्बर वडा कार्यालयले भनें फरकपन प्रस्तुत गरेको छ । अर्थात सार्वजनिक बिदाको दिन समेत दमक ५ नम्बर वडाले कार्यालय खोलेर सेवाग्राहीलाई सेवा पुर्याउने काम धमाधम गरिरहेको देखिन्छ । बिदाको दिनमा समेत विहानैदेखि कार्यालय खोलेर सेवाग्राहीका लागि कुनखाले सेवा दिँदै हुनुहुन्छ भन्ने उज्जालो खबरको जिज्ञासामा वडा सचिव निधिनारायण ढुंगेलले सामाजिक सुरक्षा भत्ताको नवीकरणमा सहजता प्रदान गर्ने काम गरिएको बताउनु भयो । उहाँ भन्नुहुन्छ ‘अरु दिन अरु कामको चापाचाप हुन्छ, नवीकरणको सर्भर पनि बढी व्यस्त हुन्छ । त्यसो हुँदा २,३ वटा मात्र नवीकरण गर्न गर्न सकिएपछि विशेषगरी ज्येष्ठ नागरिकलाई वडा धाउन समस्या भएपछि नवीकरणको कामको सहजताका लागि यसो गरिएको हो ।’

 

 

साउन १२ गते शनिबार विहान साढे ७ बजेबाट नै वडाका जनप्रतिनिधिका साथै वडा सचिव सहितका कर्मचारी उपस्थित भएर फटाफट नवीकरणको काम अघि बढाए । वडाका ६८ टोलमध्ये पालो मिलाएर नवीकरणका लागि आमन्त्रण गरियो ।

 

 

कार्यालय बिदाको समय त्यसमा पनि विहानैदेखि नवीकरणको काम वडा कार्यालयबाट भएपछि आफूहरुलाई सहजता मिलेको सेवाग्राहीले प्रतिक्रिया दिएका छन् । विशेषगरी सामाजिक सुरक्षा भत्तामा ज्येष्ठ नागरिकको संख्या बढी भएको अवस्थामा आफूहरुलाई बढी सजिलो भएको भन्दै ज्येष्ठ नागरिक शिवप्रसाद खतिवडा र खड्गमाया कटुवालले खुसी व्यक्त गर्नुभयो ।

 

 

वर्षेनी भदौ मसान्तसम्म सामाजिक सुरक्षा भत्ता लिनेको भत्ता नवीकरण गर्नुपर्ने प्रावधानलाई राष्ट्रिय परिचयपत्र नम्बरको कुराले केही असजिलो समेत भएको छ । त्यसलाई समेत सहज बनाउने हिसावले वडाका चार स्थानमा कार्यालय समयभन्दा अघि विहान विहान शिविरकै रुपमा नवीकरण कार्य अघि बढाइने योजना रहेको वडासदस्य खड्गबहादुर राईले बताउनु भयो । भन्नुहुन्छ ‘साउन १६ बाट शिविर सञ्चालनको तयारी गरेका छौं ।’

 

 

 

अघिल्ला वर्षपनि सो वडाले नवीकरण समयमा चार ठाउँमा शिविर सञ्चालन गरेको थियो । ३ नम्बर वडा कार्यालयले पनि यस्तैखाले नवीकरणको शिविर सञ्चालनको तयारी गरेको छ ।

 

कार्यालय समयमा अरु कामको भिडभाड हुन्छ । राष्ट्रिय परिचयपत्रसँग विवरण जोडेर औंठाछाप लिने बायोमेट्रिक प्रणाली सहितको काम थप प्राविधिक काम हो ।

 

कसरी दिन काटेर जागिर पकाउने भन्ने कतिपयमा रहेको मानसिकतालाई सच्याउँने सन्देश दिँदै परिस्थिती अनुसार कार्यालय समय बाहिर पनि यसखाले काम गर्नुले ज्येष्ठ र असक्त सहितका सेवाग्राहीको साँच्चैको सेवा गरेको ठहर्छ ।

 

उज्यालोखबरमा प्रकाशित तथा प्रशारित सामग्रीबारे कुनै प्रतिक्रिया, सुझाव या सल्लाह भए ujyaalokhabar112@gmail.com मा पठाउनु होला ।

Share:

ताजा समाचारहरु

चुनावी हारबाट निराश नहुन कार्यकर्तालाई विद्या भण्डारीको आग्रह

काठमाडौँ,३ मंसिर । नेकपा (एमाले) की वरिष्ठ नेता विद्यादेवी भण्डारीले एउटा निर्वाचनमा पराजय व्यहोर्दैमा निरुत्साहित नहुन पार्टी कार्यकर्तालाई आग्रह गर्नु भएको छ । राष्ट्रिय भेलाको

सरकारबाट अपदस्त गरेदेखि नै एमालेमाथि प्रहार सुरु भएको हो : ओली

काठमाडौं,३ मंसिर । नेकपा (एमाले)का अध्यक्ष केपी शर्मा ओलीले पार्टीको पछिल्लो धक्का निर्वाचन परिणामले मात्र नभई निर्वाचनपूर्वको सरकारबाट अपदस्त गरि सुरु भएको बताँउनु भएको छ।

एपेक सम्मेलनमा ट्रम्प, सी र पुटिनबीच ऐतिहासिक त्रिपक्षीय भेटवार्ता हुँदै

काठमाडौं ,३ मंसिर। अमेरिकी राष्ट्रपति डोनाल्ड ट्रम्प चीनको शेन्जेनमा आयोजित ३३औं एसिया प्रशान्त आर्थिक सहयोग (एपेक) अर्थतन्त्रका नेताहरूको बैठकमा सहभागी हुनु भएको छ । बिहीबार

प्रधानमन्त्री बालेनको भारत भ्रमणबाटरे झापा ५ बासीको सन्देश कस्तो?

दमक, ३ मंसीर । यो झापा ५ हो । यहीबाट झापा ५ बासीले बालेन्द्र शाहलाई अत्याधीक मत दिए र देशभरको मत परिणामपछि शाह प्रधानमन्त्री समेत

दोस्रो झापा महिला गोल्डकपको खेल तालिका सार्वजनिक, उद्घाटन खेलमा झापा ११ र पोखरा खेल्ने

बिर्तामोड, मंसिर ३ । एक्स्ट्रिम दोस्रो झापा महिला गोल्डकप २०८३ अन्तर्राष्ट्रिय आमन्त्रण नकआउट फुटबल प्रतियोगिताको खेल तालिका सार्वजनिक भएको छ । यही मंसिर ५ गतेदेखि

अस्ट्रेलियामा आप्रवासीको स्थायी अभिभावक भिसा बन्द गर्ने वान नेसनको प्रस्ताव

क्यान्बेरा ,३ मंसिर। अस्ट्रेलियाको आप्रवासन नीतिलाई थप कडा बनाउने प्रस्तावसहित दक्षिणपन्थी राजनीतिक दल वान नेसनले आप्रवासीका अभिभावकलाई दिइँदै आएको स्थायी भिसा कार्यक्रम बन्द गर्ने घोषणा

साढे ३ लाख नेपालीलाई ४ कर्मचारीको भर, जापान दूतावासको बेरुजु २ करोड

जापान,३ मंसिर । जापानस्थित नेपाली दूतावासमा वर्षौंदेखि कायम करिब दुई करोड रुपैयाँ बेरुजु, त्यसको कारण तथा फछ्र्योटको अवस्थासँगै बढ्दो नेपाली जनसंख्याको अनुपातमा कूटनीतिक जनशक्ति पर्याप्त