दमक, २९ भदौं । राष्ट्रिय बाल दिवसको अवसरमा लायन्स तथा लियो क्लब अफ दमक बिग बुद्ध र दमक रनको सहकार्यमा १२ वर्षमुनिका बालबालिकाहरूका लागि ‘डिस्टेन्स ड्रिमर ः किड्स रन सिजन ३’ शनिबार सम्पन्न भएको छ ।
दमक २ को हिमालय मावि, आम्दा रोड, क्याम्पस मोडहुँदै चोकको थकाली भान्सासम्मको ३ किलोमिटर दौडमा पुरुषतर्फ बिर्तामोड ७ का सम्राट गौतम पहिलो, भोजपुरका सफल राई दोस्रो, तरहरा सुनसरीका सम्राट राई तेस्रो र इश्वर कटुवाल सान्त्वना बन्नुभयो ।
महिलातर्फ, तरहराकी रेश्मा दर्जी पहिलो, तरहराकै कुश्मा भुजेल दोस्रो, मेचीनगर ४ की सिम्रन घिमिरे तेस्रो र तरहराकी मनिसा बस्नेतले सान्त्वना स्थान हाँसिल गर्नुभयो ।
कार्यक्रममा भोजपुर, धरान, तरहरा, धुलाबारी, मेचीनगर र दमक क्षेत्रका ७४ जना सहभागी भएका थिए ।
कार्यक्रमकी प्रमुख अतिथि दमक नगरपालिका उपप्रमुख रेगिना भट्टराई प्रसाईंले पुरस्कृतहरुलाई पुरस्कार वितरण गर्दै बालदिवसमा यसखाले बालप्रतिभा उजागर गर्ने कार्यक्रम हुनुले समाज निर्माणमा मद्धत पुग्ने बताउनु भयो ।
बालदिवसका अवसरमा दमकस्थित सरस्वती मावि, हिमालय माविसहितले विद्यार्थीहरुमाझ विभिन्नखाले कार्यक्रम सम्पन्न गरेका छन् ।
लागुऔषध दुव्र्यसन विरुद्ध ¥याली
उता, मोरङको पथरी शनिश्चरे १ मा रहेको पञ्चायत माध्यमिक विद्यालयले लागुऔषध दुव्र्यसनी विरुद्ध जनचेतनामूलक प्रभातफेरी निकालेको छ ।
बालबालिकामा लगानी, सुनिश्चित भविष्यको थालनी भन्ने मुल नाराका साथ आयोजित प्रभातफेरीमा लागुऔषध दुव्र्यसन विरुद्ध प्लेकार्ड सहित पम्पलेट बाँड्दै विद्यार्थीहरुले विभिन्न नारा लगाएका थिए ।
पम्पलेटमा भोला, गुडका, तमाखु, सुर्ती जन्य तथा अन्य नशालु वस्तुहरू बिक्री वितरण नगर्न आग्रह समेत गरिएको थियो ।
सोही अवसरमा विद्यालयका प्रधानाध्यापक अर्जुनकुमार बुढाथोकीले दुव्र्यसनबाट बच्ने जनचेतनाका लागि विद्यालयका विभिन्न ८ समूहका विद्यार्थीहरुलाई सहभागी गराई जनचेतनामूलक कार्यक्रम आयोजना गरिएको बताउनुभयो ।
विद्यालय व्यवस्थापन समितिका अध्यक्ष युवराज वास्कोटाले लागुऔषधको दुव्र्यसनबाट बालबालिकाहरूलाई बचाउन सकियो भने दुव्र्यसनी नियन्त्रण गर्न सकिने धारणा राख्नु भयो । विद्यालयले दोस्रो चरणमा कक्षा ५ देखि मुनि र कक्षा ६ देखि माथिका विद्यार्थीहरूलाई दुईटा समूह बनाई विभिन्न प्रतियोगितात्मक कार्यक्रम तथा सांस्कृतिक कार्यक्रम पनि आयोजना गरेको थियो ।
