ह्यारिसबर्ग, पेनसिल्भेनिया, कार्तिक १२
त्रिवेणी साहित्य मञ्च, पेनसिल्भेनियाको आयोजनामा २०८१ सालको देउसी भैलो र महाकवि लक्ष्मीप्रसाद देवकोटालाई स्मरण गर्दै ११६ औं लक्ष्मी जयन्ती कार्यक्रम ह्यारिसबर्गस्थित हिमालयन तेक्वान्दोको भवनमा भव्य रुपमा सम्पन्न भएको छ ।
सोही अवसरमा मञ्चका सल्लाहकार विष्णु लुइँटेलले देवकोटाको जिवनी पढेर सुनाउनु भएको थियो ।
कार्यक्रममा देउसी भैलो, सृजनात्मक वाचन, नृत्य तथा विविध प्रस्तुति भएको थियो । नेपाली कला, संस्कृति र परम्परालाई जीवित राख्न यस प्रकारका कार्यक्रमहरुले महत्वपूणर् भूमिका खेलिरहेको कुरा सहभागीहरुले बताए ।
विशेष गरी देउसी भैलो खेल्ने परम्परालाई विदेशमा पनि निरन्तरता दिने उद्देश्यले कार्यक्रम आयोजना गरिएको थियो । कार्यक्रममा विभिन्न नेपाली समुदायका सदस्यहरुले सहभागीता जनाए। उपस्थित सबैले रमाइलोका साथ नेपाली सांस्कृतिक धरोहरको अनुभव साटासाट गरेका थिए ।
त्रिवेणी साहित्य मञ्च लेन्कास्टरमा औपचारिक रूपमा शाखा विस्तार गरेको छ । समाजसेवी तथा साहित्य सर्जक ओम घिमिरे र दिपेस चापागाईंलाई शाखा प्रमुखको रूपमा मञ्चका अध्यक्ष केशव बैरागी माइलाले घोषणा गर्नु भएको छ । उहाँहरु दुबै जनालाई केन्द्रीय सदस्यमा नियुक्त गरिएको छ ।
कार्यक्रम संयोजक श्रीप्रेम घिमिरे, विष्णु लुइँटेलको लगायतका कार्यकर्ताको सक्रियतामा कार्यक्रम सम्पन्न भएको थियो । लेकास्टरबाट स्वागत नृत्यले कार्यक्रमको रोचक बनाएको थियो ।
कार्यक्रमका प्रमुख अतिथि श्री प. हरि फुयाल बिशेष अतिथि बिनय लुइँटेल, जेनेल स्टिलसन, किम प्याटी, डेभ मेडसन, ओम घिमिरे, नकुल शर्माको ओम भट्टराईको उपस्थिति रहेको थियो ।
कार्यक्रमलाई समापन गर्ने क्रममा मञ्चका अध्यक्षले नेपाली पठनपाठन कक्षा संचालन गर्ने योजना बनिरहेको जानकारी दिनु भयो साथै उद्घोषण तालिम चाँडैं गराउने र ‘दिन एउटा कथा’ संग्रह तयारी हुँदै गरेको उपस्थित सबै सूचना प्रवाह गर्नु भयो ।
नेपालीहरु अर्को महान चाड तिहारको शुभकामना दिदै कार्यक्रम औपचारिक रुपमा समापन भएको घोषणा गर्नु भएको थियोे ।
