दमक, फागुन १
राष्ट्रिय परीक्षा बोर्डले यो वर्षको माध्यमिक शिक्षा परीक्षा (एसइई) को तीव्र तयारी गरेको छ। आगामी चैत ७ गतेदेखि हुने एसइई परीक्षाका लागि प्रश्नपत्र छपाइ शुरु भइसकेको छ।राष्ट्रिय परीक्षा बोर्ड, परीक्षा नियन्त्रण कार्यालय, कक्षा–१० का परीक्षा उपनियन्त्रक तारानाथ निरौलाले गत मंगलबारदेखि नै सरकारको स्वामित्वमा रहेको सानोठिमीस्थित जनक शिक्षा सामग्री केन्द्र लिमिटेडमा एसइई परीक्षाको प्रश्नपत्र छपाइ थालिएको जानकारी दिनुभयो ।
उहाँका अनुसार सुरक्षाकर्मीको तीन तहको सुरक्षा घेराभित्र प्रश्नपत्र छपाइ भइरहेको छ। पाँच लाख १६ हजार ७७९ जना परीक्षार्थीहरूका लागि प्रश्नपत्र छाप्ने तयारी गरिरहिएको उहाँले जानकारी दिनुभयो । ‘केही बढी नै प्रश्नपत्र छाप्नुपर्ने भएकोले पाँच लाख २५ हजार जनाका लागि प्रश्नपत्र छापीरहिएको जनाइएको छ ।
उपनियन्त्रक निरौलाले यो फागुनभित्र सबै जिल्लामा प्रश्नपत्र पुर्याइसक्ने बताउनु भएको छ । उहाँका अनुसार पहिलो चरणमा सुदूरपश्चिम प्रदेशलगायत विकट जिल्लामा फागुन १५–२० सम्म प्रश्नपत्र पुर्याइनेछ।
