एजेन्सी, चैत १७ / म्यानमारमा शुक्रबार गएको शक्तिशाली भुकम्पमा परेर ज्यान गुमाउनेको संख्या एक हजार ६ सय नाघेको छ ।
दोस्रो ठूलो सहर माल्डल्यबाट १२ तले घरमा पुरिएकी एक महिलालाई ३० घण्टापछि उद्धार गरिएको छ । त्यस स्थानमा अझै ९० जना पुरिएका जनाइएको छ ।े किन्डर गार्डेन रहेको घर भत्किदा १२ जना बालबालिकाको शव फेला परेको थियो ।
सामग्रीको अभाव, सञ्चार नेटवर्कमा समस्या तथा खराब बाटोको कारण उद्धार कार्यमा कठिनाइ उत्पन्न भइरहेको त्यहाँका सञ्चारमाध्यमहरुले जनाएका छन् । स्वास्थ्यकर्मीलाई टेन्टसहित अन्य धेरै मेडिकल सामाग्रीको समस्या भइरहेको छ ।
मानव अधिकारवादी राहत संस्था ओसीएचएका अनुसार न्यापितह, याङ्गुन र मान्डल्यको बीचमा सडक पनि भत्किएका कारण अझ बढी समस्या भएको छ ।
