पथरी, २४ चैत / मोरङको पथरी शनिश्चरे नगरपालिका १ नम्बर वडा कार्यालयको आयोजनामा सञ्चालित प्रथम वडाध्यक्ष वडा स्तरीय नकआउट फुटबल प्रतियोगितामा वडा नम्बर १ र ९ बीच उपाधिका लागि भिडन्त हुने भएको छ ।
आइतबारको सेमिफाइनल खेलमा वडा नम्बर २ लाई टाइब्रेकरमा पराजित गर्दै ९ नम्बरले फाइनलको यात्रा तय गरेको छ । निक्कै रोमाञ्चक खेलमा निर्धारित समयमा दुवै टिमबाट गोल नभएपछि खेल टाइब्रेकरमा धकेलिएको थियो । टाइब्रेकरमा ४–५ गोल अन्तरले ९ नम्बर विजयी हुँदै वडा नम्बर १ सँग भोलि हुने फाइनल खेलमा भेट पक्का गरेको हो । वडा नं. ९ का योगेश धिमाल आजको खेलको म्यान अफ दी म्याच घोषित बन्नुभयो ।
भोलिको फाइनल खेल दिउँसो ३ बजेदेखि सुरु हुने आयोजकले जानकारी दिएको छ ।
