दमक, १८, बैशाख– आज देश विदेशमा भव्य कार्यक्रम गरी १३६ औ अन्तराष्ट्रिय श्रमीक दिवस मनाइएको छ । विभिन्न ठाउँमा चर्का नारा लगाउँदै दिवस मनाइएपनि वास्तवीक श्रमिकलाई भने यो दिवसले छुदै छुएन ।
दमक ५ स्थित ट्राफिक भवनको पश्चिम तर्फ सडकको किनारमा टुसुक्क बसेर बालुवा चालीरहेको अवस्थामा निलम साहा भेटिनु भयो ।
आज श्रमीक दिवस भएको भएपनि उहाँलाई यो दिवसले छुदै छुएन । उहाँलाई श्रमिक दिवस भन्ने पनि थाह छैन । आफ्नो अधिकार के हो र कसरी सुरक्षीत गर्नु पर्छ भन्ने पनि थाह छैन ।
यस्तै विष्णु दासले पनि श्रमिक दिवसका दिन बिदा पाउनु भएन । कहिले कहि नेताहरुले श्रमिक दिवस । श्रमिक अधिकार भन्दै भाषण गरेको सुनेको बताउनु हुने उहाँलाई श्रमिक दिवस के हो भन्ने थाह छैन । उहाँ भन्नु हुन्छ ‘ काम गरेन भने खान पाइदैन । नेताको भाषण सुनेर के गर्नु?
विश्वभरका मजदुरले यस दिवसलाई पर्वका रूपमा लिँदै आफ्ना हकअधिकारको सुनिश्चितताका लागि सरकार र रोजगारदातालाई दबाब दिने उद्देश्यले यो दिवस विभिन्न कार्यक्रम गरी मनाउने गरिएको भएपनि खास श्रमिकहरु आज पनि काममै देखिए ।
सन् १८८६ मे १ मा अमेरिकाको सिकागोमा ‘आठ घण्टा काम, आठ घण्टा मनोरञ्जन र आठ घण्टा आराम’ नारा तय गरिएको भएपनि अहिले ८ घण्टा मात्रै काम गरेर कोहि पनि श्रमीकले पर्याप्त ज्याला नपाएका कारण यो सबैमा लागु समेत भएको छैन ।
