मितको डायरीबाट

दार्जीलिङको छुकछुके रेल स्लो छ, राजा फास्ट छ

साथीहरूको अनुरोधमा पचास–पचासको नोट साट्यौँ र गला मिलायौँ ।

आज प्रिय मीतज्यू राजा पुनियानीको जन्मदिन । राजा मेरो मीत मात्र होइन, अत्यन्त प्रिय कवि पनि हो । जन्मदिनको असिम शुभकामना राजा ।

 

दार्जीलिङको छुकछुके रेल स्लो छ, राजा फास्ट छ । छुकछुके रेल छोटीलाइनमा चल्छ, राजा बडीलाइनमा । रेल गुड्ने अठ्चालीस माइलको लौहपथभन्दा धेरै लामो छ, राजाको काव्यपथ । त्यसले सिलिगुढी र दार्जीलिङ मात्र जोड्दैन, सारा विश्वलाई नेपाली भाषासँग जोड्ने सामर्थ्य राख्छ । रेल र राजामा एउटा समानता छ– दुवै सिलिगुढी–दार्जीलिङ गरिरहन्छन् । दार्जीलिङ–सिलिगुढी गरिरहन्छन् ।

 

समयका बाटाहरूमा, घुम्तीहरूमा, पुल र कुइनेटाहरूमा राजालाई सम्झिरहन्छु । राजा, अर्थात् कवि राजा पुनियानीलाई । उसलाई सम्झिनुपर्ने केही कारण छन् र ती विशेष छन् । ऊ मेरो आत्मीय मित्र हो, स्मार्ट कवि हो र हो मेरो मीत पनि । राजासँग मेरो यसरी मित्रता होला भन्ने मेरो कल्पनाको क्षेत्रफलभित्र थिएन । अरबौँ मानिसले ढाकिएको दुनियाँमा राजा भन्ने कवि होला, ऊसँग भेट होला र मीतगिरी गरिएला भन्ने कहिल्यै सोच्न सक्ने विषय पनि भएन । जीवनमा कल्पना गरेकाभन्दा कल्पना नगरेका र होला भन्दा नहोला ठानेका कुरा धेरै हुने रहेछन् । र, यी कुराले नै जीवन बढी मूल्यवान् लाग्दो रहेछ । राजासँगको मेरो मितेरी यस्तै दुर्लभ उदाहरण हो ।

 

सन् २०१० को डिसेम्बरमा कवि मनोज बोगटीको आत्मीय निम्तो मान्न सिलीगुढी पुगेका थियौँ । ‘शब्दसाँघ’ु नामको उक्त कार्यक्रममा धेरै भारतीय नेपाली कविसहित पहिलोपटक भेट भएको थियो, राजासँग । संयोग कस्तो थियो भने भेटअघि नै राजाको एक कवितालाई मियो मानेर मैले निबन्ध लेखिसकेको थिएँ– ‘जीवन : साझा बसको अन्तिम सिट ।’ उनान्सत्तरीमा प्रकाशित ‘चौबीस रिल’को एक रिल बन्यो त्यो निबन्ध । प्रज्ञा प्रतिष्ठानले निकाल्ने कविता त्रैमासिकमा छापिएको राजाको ‘जीवन बहत्तर’ शीर्षक कविताले मलाई उक्त निबन्ध लेख्ने प्रेरणा दिएको थियो । त्यसपछि मैले राजालाई खोज्न थालेको थिएँ र केही वर्षपछि फेसबुकमा भेटेको थिएँ । विशेषतः राजाले फेसबुकमा राख्ने कविताहरू मेरा रुचिका विषय थिए । म तिनलाई नियमित पछ्याउथेँ । आकर्षक कुरा के थियो भने ऊ नेपालीका अलवा आफ्ना बंगाली, हिन्दी र अंग्रेजीका कविता पनि वालमा टाँसिरहन्थ्यो । धेरै भाषामाथिको उसको पकडले मलाई थप आकर्षित गरिदिन्थ्यो ।

 

राजाले राखेको प्रोफाइल पिक्चर म अझै सम्झिन्छु । बाइकको ऐनामा प्रतिबिम्बित एक रहस्यमय अनुहार थियो त्यहाँ, जसमा राजा अलिक प्रौढ देखिन्थ्यो । ‘मभन्दा सिनियर कवि रहेछ’ मैले ठानिदिएको थिएँ । सिलिगुढीको भेटपछि मात्र थाहा लाग्यो, राजा लगभग मेरै उमेरको निकै हेण्डसम कवि रहेछ । उता, राजाले पनि मेरो एक कविता ‘हजार वर्षको निद्रा’ लाई आधार मानेर लेखेको समीक्षात्मक निबन्ध हिमालय दर्पणमा छपाइसकेको रहेछ । मेरा लागि यो गजब सरप्राइज ! यसरी राजा र म भेट नहुँदै एक–अर्काका कविताबाट प्रभावित भइसकेका रहेछौँ ।

११ डिसेम्बरको कार्यक्रमपछि कवि साथीहरूको अनुरोधको दबाबमा राजा र मैले टाउको ठोकेर र पैसा साटेर मीत लगायौँ । कुनै धार्मिक आस्थाका कारण नभई साथीहरूको अनुरोधमा पचास–पचासको नोट साट्यौँ र गला मिलायौँ । राजाको आइसी नोट भएकाले मलाई तीस रुपैयाँ नाफा भयो । मेरो मीतगिरी त्यही अतिरिक्त तीस रुपैयाँ राजालाई तिर्ने कोसिस हो । म राजालाई सधैँ घाटामा पार्न चाहन्नँ ।
पुनः शुभ जन्मदिन प्रिय मीतज्यू ।

(चितवन निवासी खड्का चर्चित साहित्यकार एवम् प्राध्यापक हुनुहुन्छ ।)

उज्यालोखबरमा प्रकाशित तथा प्रशारित सामग्रीबारे कुनै प्रतिक्रिया, सुझाव या सल्लाह भए ujyaalokhabar112@gmail.com मा पठाउनु होला ।

Share:

ताजा समाचारहरु

प्रधानमन्त्री बालेन्द्र शाह भारत प्रस्थान, दिल्लीमा राज्यमन्त्रीद्वारा स्वागत

काठमाडौं ,६ मंसिर। प्रधानमन्त्री बालेन्द्र (बालेन) शाह दुईदिने राजकीय भ्रमणका लागि भारत पुग्नु भएको छ ।भारतीय प्रधानमन्त्री नरेन्द्र मोदीको निमन्त्रणामा प्रधानमन्त्री शाह आइतबार भारतको नयाँदिल्ली

३५ सदस्यीय टोलीसहित प्रधानमन्त्री शाहको भारत भ्रमण

काठमाडौं ,६ मंसिर। प्रधानमन्त्री बालेन्द्र शाहको भारतको औपचारिक राजकीय भ्रमणमा ३५ सदस्यीय प्रतिनिधिमण्डल सहभागी भएका छन् ।भ्रमण टोलीमा प्रधानमन्त्री शाहसहित अर्थमन्त्री डा. स्वर्णिम वाग्ले, परराष्ट्रमन्त्री

विराजभक्त श्रेष्ठ कार्यवाहक प्रधानमन्त्री

काठमाडौं ,६ मंसिर। ऊर्जा, जलस्रोत तथा सिँचाइमन्त्री विराजभक्त श्रेष्ठले कार्यवाहक प्रधानमन्त्रीको जिम्मेवारी पाँउनु भएको छ। प्रधानमन्त्री बालेन्द्र शाह भारत भ्रमणमा निस्केपछि श्रेष्ठले कार्यवाहक प्रधानमन्त्रीको जिम्मेवारी

३५ सदस्यीय टोलीको नेतृत्व गर्दै प्रधानमन्त्री बालेन्द्र शाह भारत भ्रमणमा प्रस्थान

काठमाडौं ,६ मंसिर। प्रधानमन्त्री बालेन्द्र शाह ३५ सदस्यीय प्रतिनिधिमण्डलको नेतृत्व गर्दै भारतको औपचारिक राजकीय भ्रमणका लागि प्रस्थान गर्नु भएको छ ।प्रधानमन्त्री शाहसँगै अर्थमन्त्री डा. स्वर्णिम

कीर्तिमानै कीर्तिमानका साथ एनपीएलको तेस्रो संस्करण सम्पन्न, सुदूरपश्चिम च्याम्पियन

काठमाडौं ,६ मंसिर। नेपाल प्रिमियर लिगको तेस्रो संस्करण शनिबार सम्पन्न भएको छ । नेपाल क्रिकेट संघ(क्यान)को आयोजनामा कात्तिक ९ गतेदेखि सुरु भएको प्रतियोगितामा आठ टोली

अस्ट्रेलियाका पूर्व सांसद म्याग्वायरलाई ३ वर्ष जेल सजाय

सिड्नी,६ मंसिर । चिनियाँ नागरिकहरूको भिसा आवेदनमा नक्कली रोजगारी प्रायोजन (स्पोन्सरसिप) मिलाउने योजनामा संलग्न रहेको अभियोगमा अस्ट्रेलियाको न्यू साउथ वेल्स (एन् एस् डब्ल्यू) राज्यका पूर्व

नेपालको आकाशमार्ग प्रयोग गरी सैन्य विमान उडाउने प्रस्ताव नगरेको भारतको भनाइ

काठमाडौं,६ मंसिर । भारतले नेपालको आकाशमार्ग प्रयोग गरी सैन्य विमान सञ्चालन गर्ने प्रस्ताव नगरेको स्पष्ट पारेको छ । भारतीय सैन्य विमानलाई नेपालको बागडोगरा प्रवेश बिन्दु