दमक, ३ भदौ । दमक उद्योग वाणिज्य संघको ३५ औं स्थापना दिवसको अवसरमा आगामी भदौ ५ र ६ गते आयोजना हुने फुटसल प्रतियोगिताको खेल तालिका सार्वजनिक गरिएको छ।
संघको कार्यालयमा सोमबार आयोजना गरिएको पत्रकार सम्मेलनमार्फत प्रतियोगिता सम्बन्धी जानकारी दिइएको हो।
दमक उद्योग वाणिज्य संघका अध्यक्ष गोपाल गुरागाईंका अनुसार प्रतियोगितामा १० वटा बस्तुगत व्यवसायी संघहरूको सहभागिता रहनेछ। प्रतियोगितामा सहभागी टिमहरू दुई समूहमा विभाजन गरिएको छ।
समूह ए अर्न्तगत दमक जुत्ता चप्पल व्यवसायी संघ, स्वास्थ्य व्यवसायी संघ, दमक मोबाइल व्यवसायी संघ, सुनचाँदी व्यवसायी संघ, अटोमोबाइल व्यवसायी संघ रहेको छन् ।
यसैगरि समूह बी अर्न्तगत रेडिमेड कपडा व्यवसायी संघ, किराना तथा खाद्यान्न व्यवसायी संघ, होटल व्यवसायी संघ, फर्निचर तथा फर्निसिङ व्यवसायी संघ, र निर्माण व्यवसायी संघ रहेका छन् ।
प्रतियोगिता दमक–५ स्थित विष्ट फुटसल ग्राउण्डमा हुने समेलनमा जानकारी दिएको छ ।
