गौरादह ,१३ भदौ । गौरादह नगरपालिका वार्ड ४ र ५ मा पर्ने रामचन्द्रे खोलामा अव सिमसार क्षेत्र बनाइने भइएको छ । नगरपालिकाले २ वर्ष अघी बनाएको डिपिआरका आधारमै यहाँ पर्यावरण संरक्षण सहित आकर्षक पर्यटकीय क्षेत्र समेत बनाउने गरि सिमसार बनाउने काम अघी बढाइने भइएको हो ।
यहाँ निरन्तर पानी जमि रहने र यस क्षेत्रको सिचाईको मुख्य श्रोत समेत रहेको रामचन्द्रे खोलालाई अव आकर्षक बनाउने भइएको छ । अहिले जलकुम्बी लगात अन्य पानी झारले ढाकीएको यो क्षेत्र अव एक वर्ष भित्रमै आकर्षक पर्यटकीय क्षेत्र बन्ने छ । यो खबर सुन्दा स्थानीयबासीमा उत्साह थपीएको छ । आफ्नो ठाउँमा पनि विकास हुने भयो ।
नयाँ पर्यटकीय गन्तव्य बन्ने भयो भन्ने खवरले खुसी ल्याएको र सबैको सहमतीमा यस क्षेत्रमा सिमसार बनाउन सकिने गौरादह नगरपालिका वार्ड ४ स्थित डोरामारी टोल विकास सस्था(ख)का अध्यक्ष समेत रहनु भएका स्थानीयबासी पूर्ण बहादुर श्रेष्ठले बताउनु भयो ।
पर्यटनको संरक्षण हुने गरि र भएको श्रोत साधनको प्रयोग र त्यसलाई अझ सोन्दर्य बनाउन यहाँ विभिन्न संरचना समेत निर्माण हुने छन् । यहाँ वारी पारि गर्न मिल्ने गरिको बेली ब्रीज बन्ने छ । पर्यटकहरु आएर बस्ने र रमाईलो गर्ने सुविधा सम्पन्न पिकनीक स्र्पोट बन्ने छ ।
पानीले नागरिकको खेत तथा बस्तिमा हानी नगरोस भनेर जोखीम स्थलमा त्यसका लागी आवश्यकीय नियन्त्रणका काम पनि हुने छन् । यहाँ बन्ने सिमसारको डिपिआरमा के छ भन्नेबारे जानकारी दिदै गौरादह नगरपाकिलाका इन्जिनियर गोपाल भण्डारी भन्नु हुन्छ ‘यहाँ भनेका जस्ता सबै संरचना र त्यसले आकार पाउँदा यो क्षेत्रको मुहार नै फेरीन्छ । एक छिन घुम्न र शान्त वातावरण खोज्न टाढा जानुपर्ने अवस्थाको अन्त्य हुने छ ।
यहाँ सिमसार बनाउने कामको जिम्मा चाहि राष्ट्रपति चुरे तराई मधेश संरक्षण समिती सलकपुरले । यसका कार्यालय प्रमुख श्याम लोप्चन सहितको प्राविधिक टोलीले यसको स्थलगत निरिक्षण पनि गरिसकेको छ ।
नगरपालिकाले यस अघीनै डिपिआर गरिसकेकोले काम सुरु गरिहाल्न सहज भएको उहाँले बताउनु भयो । अव डिपिआर बनाउँदाको बजार मुल्य र अहिलेको बजार मुल्यमा आएको अन्तरलाई विषलेशण गरेर नयाँ मुल्याकंन गरेर प्रकृया अघी बढाउने र सकेसम्म दशै अघीनै ठेक्का आह्वान गरि काम सुरु गराउने उहाँले बताउनु भयो । यो वर्ष यहाँ काम गर्नकालागी भनेर ३ करोड रुपैँया बजेट आएको र सोहि अनुसार काम हुने पनि उहाँले जानकारी दिनुभएको छ ।
गौरादहबासीलाई अली खुल्ला र फराकीलो ठाउँमा जाने, घुम्ने र रमालो गर्ने एउटा आकषर्क गन्तव्यको अभाव थियो । त्यहि अभावलाई पुर्ती गर्दै नगरपालिकाले पर्यावरणको संरक्षण सहित यहाँ रहेको रामचन्द्रे सिमसार क्षेत्रको विकास र सम्वर्धन गर्न यो योजना बनाइएको नगर प्रमुख छत्रपति सुवेदीले जानकारी दिनुभयो ।
यस क्षेत्रमा आकर्षक र सुविधा सहितको सिमसार बनेमा दमक, कमल तथा गौरीगन्ज सम्मका नागरिकहरु पिकनिकका लागी यस स्थानमा पुग्न सक्ने छन् । यसले गौरादहको गौरव बढाउन अर्को एउटा महत्वपूर्ण काम गर्न सक्ने बताइएको छ ।
