काठमाडौं, ३० कात्तिक। राष्ट्र, राष्ट्रियता, धर्म संस्कृति तथा नागरिक बचाउ महाअभियानका संयोजक दुर्गा प्रसाई संरक्षक रहने गरी नागरिक बचाउ दल नेपाल दर्ता भएको छ।
आइतबार निर्वाचन आयोगमा सभापति माधव खतिवडा (कल्पित) को नेतृत्वमा दल दर्ता भएको छ। कल्पितका अनुसार पार्टीमा अहिले २९ जना केन्द्रीय सदस्य रहेका छन्। ‘हाम्रो दल दुर्गा प्रसाईंको विचार, लक्ष्य र उद्देश्य प्राप्तिका लागि हो,’ उहाँले भन्नु भयो,‘उहाँ (प्रसाईं) संरक्षक रहनुहुन्छ।’
पछि प्रसाईंलाई संरक्षकको रूपमा केन्द्रीय कमिटीबाट अनुमोदन गरिने पनि उहाँले जानकारी दिनु भयो। यो पार्टीको चुनाव चिह्न दुई पाइला राखिएको छ।
