झापा, ६ मंसिर । मङ्सिर -५ गतेनिजी तथा आवासीय विद्यालय अर्गनाइजेसन,नेपाल नगर कार्य समिति पथरी शनिश्चरेको आयोजनामा नगरस्तरीय प्याव्सन लोकनृत्य प्रतियोगिता सम्पन्न भएको छ।
शुक्रबार पथरी शनिश्चरे वडा नं १ को भू. पू. सैनिक अंग्रेजी विद्यालयमा आयोजित उक्त प्रतियोगितामा सम्पन्न भएको हो। पथरी शनिश्चरे नगरभित्रका ११ जुनियरतर्फ र ६ वटा सिनियरतर्फ निजी तथा आवासीय विद्यालयहरूको सहभागिता रहेको थियो। जसमा, जुनियर तर्फबाट प्रतियोगिताको प्रथम विजेता एभरेष्ट ईंग्लिस बोर्डिङ स्कुल, फस्ट रनरअप मोरङ मेरीगाेल्ड ईंङ्लिस बाेडिङ्ग स्कुल र सेकेन्ड रनरअप अरुणोदय ईंङ्लिस स्कुल विजय हासिल गरेका थिए भने सिनियर तर्फबाट प्रथम विजेता मोरङ मेरीगोल्ड ईङ्लिस बाेडिङ्ग स्कुल, फस्ट रनरअप अंक बराबर भएर एभरेस्ट ईङ्लिस बोडिङ्ग स्कुल र रेडस्टार ईङ्लिस बोडिङ्ग स्कुल छनोट विजय हासिल गरेका हुन्। उक्त प्रतियोगिताका विजयी विद्यालयले आगामी मंसिर १३ गते हुने जिल्ला स्तरीय लोकनृत्य प्रतियोगितामा भाग लिन छनौट भएको आयोजकले जनाएको छ।
उक्त अवसरमा विभिन्न लोक संस्कृति झल्किने विभिन्न जातजाति तथा समुदायका मौलिक नृत्यहरू प्रस्तुत गरेका थिए। प्याव्सन नगर कमिटी अध्यक्ष सन्तोष बस्नेतको अध्यक्षतामा सम्पन्न भएको सो उक्त प्रतियोगितामा पथरी शनिश्चरे नगरपालिकाका शिक्षा, युवा तथा खेलकुद शाखाका प्रमुख नवीन बुढाथोकी खुलाल , लगायतका विभिन्न अतिथिहरू उपस्थिति थिए।
