- दमक, २५ मंसिर । डाईनामिक पव्लिक लाइब्रेरीको छैटाैं महाधिबेसन झापाको दमकमा हुने भएको छ ।
यही २७ गते बिहान ९ बजे देखी गोर्खा डिपार्टमेण्टको हलमा हुने जनाइएको छ ।
आज यसको मुख्य कार्यालयमा पत्रकार सम्मेलन गर्दै डिपिएलका सबै शाखाबाट प्रतिनिधीको टुङ्गो लागीसकेको र सबैको सहभागीतामा महाविधेशन भव्य रुपमा सम्पन्न गर्ने तयारी भइरहेको अध्यक्ष अनु आचार्य भण्डारीले जानकारी दिनुभयो । उहाँले आफ्नो कार्यकालमा यूवाहरुमा पठन सस्कृतीको विकास गराउन बिभिन्न काम र कार्यक्रम गरिएको जानकारी समेत गराउनु भएको थियो ।
यस्तै यो बिचमा सस्थालाई देशका बिभिन्न स्थानमा शाखा बिस्तार गर्दै डिपिएलको अभियानमा सहभागी गराउने कार्यक्रमहरु भएको र यसले यूवाहरुमा सकरात्मक सोच र पठन सस्कृती तथा उद्यमी बन्नु पर्छ भन्ने भावनाको विकास गराउन समेत महत्वपूर्ण काम गरीएको महासचिव गुणराज गिरीले सो अवसरमा जानकारी दिनुभयो ।
पछिल्लो समय यूवाहरुमा हराउँदै गएको पठन सस्कृतीलाई निरुत्साहित गर्दै पुस्तक पढ्न पर्छ, पढ्नेले मात्रै नया खोज र सोच बनाउन सक्ने भन्ने उद्धेस्यका साथ डिपिएल गठन गरिएको यसका सस्थापक अध्यक्ष भेषराज न्यौपानले जानकारी दिनुभयो । यो अभियान देशभर मात्रै नभएर विदेश सम्म पुर्याउने लक्ष्य राखीएको समेत उहाँले उल्लेख गर्नुभयो ।
छैटौ महाधिवेशनबाट अहिलेका बरिष्ठ उपाध्यक्ष दुर्गा प्रसाद खतिवडा(दिवस) अध्यक्ष बन्नु हुने करिव निश्चित देखिएको छ । निर्वाचन समितीले सार्वजनिक गरेको उम्मेद्धवारको नामावालीमा अध्यक्षमा खतिवडा, वरिष्ठ उपाध्यक्षमा गुणराज गिरी, महासचिवमा कमल गैरे, उपाध्यक्षमा मनि गिरी, कोषाध्यक्षमा जीवलोक सापकोटा र निर्देशकहरुमा जेनीस चौलागाई, अस्विन तिम्सिना, दिपक न्यौपाने र मनिका गिरीको एकल नाम सार्वजनीक गरेको छ । पत्रकार सम्मेलनमै बोल्दै वर्तमान उपाध्यक्ष र महाधिबेशनमा अध्यक्ष बन्न लाग्नु भएका खतिवडाले यूवा नेतृत्वको विकास र यूवा उद्यमशीलताको क्षेत्रमा आफ्नो अनुभव र क्षमता अनुसारका काम र कार्यक्रम गर्ने समेत उल्लेख गर्नुभयो ।
डिपिएलले यूवा लक्षीत मात्रै नभएर विद्यालयमा छात्रबृत्ति प्रदान गर्ने, सार्वजनिक स्थानहरुमा पुस्तकलाय स्थापना गर्ने जस्ता सकरात्मक काम समेत गर्दै आएको छ ।
