दमक , २० पुष । दमक उद्योग वाणिज्य संघको शुक्रबार सम्पन्न भएको निर्वाचन र शनिबार प्राप्त मत परिणामबाट बिजयी भएकाहरुले आईतबार बिजयी उत्सव मनाएका छन् ।
दमक बजार स्थित दमक सहकारीको प्रङ्गणमा भेला भइ सम्पूर्ण पदका पदाधिकारी र सदस्य तथा लेखा समिती बिजयी र्यालीमा सहभागी भएका हुन । र्याली निकाल्नु अघी आयोजीत संक्षीप्त औपचारीक कार्यक्रमलाई संवोधन गर्दै संघका पूर्व अध्यक्ष गोकुल श्रेष्ठले दमकका व्यापारीले व्यापारीको नेता चुन्न सफल भएको र यो नेतृत्वलेनै दमकको बजारको अवस्था कस्तो बनाउने र कहाँ पुर्याउने भन्नेगरीको दिशा तय गर्ने भएकोले त्यही अनुसार काम गर्न सुझाव दिनुभयो ।
निर्वाचनले अध्यक्षमा दोस्रो कार्यकालका लागी गोपाल गुरागाईलाईनै चयन गरेको थियो । सो अवसरमा बोल्दै नव निर्वाचीत अध्यक्ष गुराईले भन्नु भयो ‘व्यापारीका हरेक समस्या र अप्ठ्यारका पक्षमा सरकारका जुनसुकै तह र निकायमा पनि उभीएर निष्पक्ष काम गर्ने छु ।
कार्यक्रममा सहभागीहरुले बिजयी पदाधीकारी तथा सदस्यहरुलाई खादा, माला तथा अवीर लगाएर सम्मान प्रकट गरेका थीए । यसपछि सुरु भएको र्यालीमा बिजयी भएकाहरुलाई चोक चोक र बजार बजारमा व्यापारीहले समेत पसलबाट निस्केर स्वःस्फूत खादा मला लगाएर सम्मान गरेका थीए ।
बिजयी भएकाहरुले पनि दमकका व्यापारीको अभिभावक बनाउन मन र मतमार्फत सहयोग गर्नु भएको भन्दै सबै व्यापारीहरुप्रति कृतज्ञता व्यक्त गरेका थीए ।
