दमक, ८ माघ । झापा क्षेत्र नं ५ चुनावी सरगर्मीले फेरि एकपटक यो क्षेत्र तातिएको छ। नेकपा एमालेका अध्यक्ष केपी शर्मा ओली प्रतिनिधिसभा निर्वाचनको तयारीका लागि झापा आइपुग्नुभएको छ। यस्तै रास्वपाका बरिष्ठ नेता बालेन्द्र शाह पनि यही हुनुहुन्छ । उहाँहरु सहित २४ जनाले मंगलबार मनोनयन दर्ता गरेसँगै यहाँको राजनीतिक माहोल थप सक्रिय बनेको छ।
समय बदलिएको छ। राजनीतिमा नयाँ अनुहारहरू देखिएका छन्। कतिपयले ओलीको समर्थन घट्दै गएको विश्लेषण पनि गरिरहेका छन्। तर झापा क्षेत्र नम्बर ५ का धेरै मतदाताका लागि ओली भने केवल उम्मेदवार मात्र होइन विकासको एउटा पहिचान पनि हुनुहुन्छ ।
पटक–पटक यही क्षेत्रबाट प्रतिनिधिसभा सदस्यमा निर्वाचित हुँदै चार पटकसम्म प्रधानमन्त्री बन्नुभएका ओलीको कार्यकालले झापामा भौतिक पूर्वाधार, सडक, स्वास्थ्य र राष्ट्रिय महत्वका परियोजनासँग जोडिएर स्मरण गरिन्छ।
दमक–१० का स्थानीय पुण्यप्रसाद भट्टराई भन्नु हुन्छ आफूले राजनीति धेरै नबुझे पनि काम देखेपछि मत बदल्न नसक्ने। यहाँ नयाँ भन्ने भन्दा पनि विकासको अनुभूति हुने र गराउने नेता चाहिएको छ । उहाँले भन्नु भयो ।
ओलीको कार्यकालमा हुलाकी राजमार्ग निर्माण, रतुवा खोलामा पुल, पालिका–पालिकामा अस्पताल, सरकारी विद्यालयमा प्राविधिक शिक्षा विस्तार भएको मतदाताको भनाई । यी सबै विकासका काम अझै पनि स्थानीयको स्मृतिमा ताजा रहेको प्रतिकृया छ ।
गौरादह–२ का खगेन्द्र गिरी भन्नु हुन्छ विकासका आधारभूत संरचना बनेपछि योगदान लुकाउने ठाउँ नै बाँकी रहेन । अनी कसरी मत बदल्नु ? उहाँले प्रश्न गर्दै भन्नु भयो । ओलीले यस क्षेत्रबाट चुनाव जीतेपनि नजीतेपनि यो क्षेत्रमा भएको योगदान कसैले मेट्न नसक्ने उहाँको स्पष्ट धारणा छ ।
पछिल्लो समय केपि ओलीको उमेरलाई लिएर आलोचना बढेको चर्चा पनि छ। तर गैरादह–९ का चन्द्रबहादुर खड्का भन्नु हुन्छ राजनीति उमेरले होइन, कामले मापन गर्नु पर्र्छ । उमेरका कारण नयाँ पुस्ताका समर्थक केहि घटेका होलान तर ओलीले गर्नु भएको कामले राष्ट्रिय तथा अन्तराष्ट्रिय स्तरमा चर्चा हुने गरीको बनेको खड्को भनाई छ ।
विगत लामो समयदेखि राष्ट्रिय राजनीति र झापाको विकाससँग जोडिएको एउटा नाम, केपी शर्मा ओली। झापा क्षेत्र नम्बर ५ का धेरै मतदाताका लागि उहाँको योगदान इतिहास बनेर रहने देखिन्छ।
