दमक,१२ माघ । यो हो दमक ९ स्थित उराव बस्तिमा रहेका स्थानीयबासीसग राष्ट्रिय स्वतन्त्र पार्टिका कार्यकर्ताले मत मागेको दृष्य ।
समस्या सोध्ने, टिपोट गर्ने अनी ती समस्या समाधान गर्न अव रास्पवपालाई भोट दिनुस है भन्दै मत माग्ने । यसरी झापाको क्षेत्र नं ५ मा बालेन शाहको चुनावी अभियान सुरु भएको छ । पूर्व राजा ज्ञानेन्द्र शाहको चीया बगानमा काम गर्ने चीया मजदुर बस्ने बस्तिबाट अभियान सुरु गरिएको हो । उनीहरुले यस बस्तिमा बसोबास गर्नेहरुलाई स्थाई बसोबासकालागी आफुहरुले पहल गर्ने आश्वाशन दिएका छन् । पुस्तौ देखि हामीले यही बस्दै र काम गर्दै आएको भएपनि आफुहरुको बसोबास स्थाई नभएको भन्दै त्यहाँका स्थानीयले गुनासो समेत राखेका थीए ।
सोमबार बिहानबाट सुरु गरीएको यो अभियानमा काक्रममा रास्वपाका नेताहरू तथा रास्वपा वरिष्ठ नेता बालेन शाहकी पत्नी सविना काफ्लेले स्थानीय मतदातासँग प्रत्यक्ष भेटघाट गरेर आफ्नो पक्षमा मत माग्नु भएको थियो ।
अभियानमा सहभागी रास्वपाका स्थानीय कार्यकर्ता भने यसलाई आधीकारीक घर दैलो भनेर नबुझ्न आग्रह गरिरहेका छन् । केन्द्रिय बिभागीय सदस्य विरोध सु्वेदी भन्नु हुन्छ ‘अहिले नागरीकको समस्याको टपोट गर्ने र ती समस्यालाई पार्टिको घोषणापत्रमा कसरी अटाउने भन्ने योजना बनाउन पनि यस्तो अभियान चलाइएको हो ।
रास्वपा चुनाव प्रचार–प्रसार सचिवालयको नेतृत्वमा भएको पहिलो चरणको घरदैलो कार्यक्रम निरन्तर चल्ने निर्वाचन परिचालन समितीका संयोजक भेषराज भट्टराईले जानकारी दिनुभयो । प्रतिनिधिसभा निर्वाचनमा चर्चाको केन्द्र बनेको झापा–५ मा एमालेबाट अध्यक्ष केपी ओली र रास्वपा वरिष्ठ नेता बालेन शाहले उम्मेदवारी दर्ता गराउनु भएको छ ।
