दमक, १९ कार्तिक । दमकमा घुम्न जाने ठाउँ खासै छैन । जति छ एउटा दमक फन पार्क अर्को दमक १० मा रहेको इन्द्रेणी ताल । यी बाहेक दमकमा एकछिन मन भुलाउन कहाँ जाने भन्ने खास गन्तव्य नै छैन । तर अव दमक मानै एकै ठाउँमा बन्ने भएको छ भुटानी शरणार्थी संग्राहलय , रमाइलो पोखरी, संग्रहालय, चिडियाखाना, बालमैत्री उद्यान या पार्क, बगैंचा, गोर्खा स्मारक, शिव या पाथीभरा मन्दिर, वनभोज स्थल, खुला व्यायामशाला, साहसिक खेलहरु । यती मात्रै नभएर तालिम केन्द्र तथा गोष्ठी हल, क्याफे तथा रेष्टुरेन्ट, होमस्टेको सहितको बहुउद्देश्यीय पार्क बन्ने भएको छ । यो बन्ने ठाउँ चाहि दमक २ मा रहेको हंसे दुम्से सामुदायिक वन क्षेत्र हो ।
सो वन क्षेत्रको करिव ५० विगाह क्षेत्रफल जग्गामा वन मन्त्रालयको स्वीकृति लिएर पार्कका लागि विभिन्न संरचनाहरु बनाउनेगरी प्रतिवेदन तयार पारीरहेको दमक नगरपालिकाले जनाएको छ ।सो क्षेत्रमा दृश्यावलोकनका लागि मोनोरेलको समेत व्यवस्था गर्ने योजना रहेको छ । दमक नगरपालिकाका प्रमुख रामकुमार थापाले बहुउद्देश्यीय पार्क बनाउने कुराका लागि विगत केही वर्षदेखि विज्ञहरुसँग समेत सुझाव लिई प्रतिवेदन नेपाल सरकारलाई बुझाइएको बताउँदै उहाँले भन्नु भयो दमकको विकास र समृद्धिका लागि बहुउद्देश्यीय पार्कको सपना एउटा महत्वको वृहत योजना भएको र यसलाई पूरा गर्दा दमकलाई पर्यटकीय गन्तव्यका रुपमा विकास गर्न सकिने छ ।’
यसकालागी आवश्यक पर्ने बजेट र यसको श्रोत साधन सबै दमक नगरपालिकाले जुटाउने छ । कराडौ लगानी पर्ने बजेटका लागी दमक नगरपालिकाले नगर विकास कोषसँग प्रारम्भीक कुरा समेत गरीएको नगरकी उप प्रमुख रेगीना भट्टराई प्रसाईले बताउनु भयो ।
हंसे दुम्से सामुदायिक वन ६ सय ३३ .५ हेक्टर क्षेत्रफलमा फैलिएको छ । यो काम वनसग समन्वय गरी तयार पारीने दमक नगरपालिकाले स्पष्ट समेत पारेको छ ।
