दमक,२३ माघ ।दमक बहुमुखी क्याम्पसले शुक्रबारदेखि छात्रावास सुरु गरेको छ । शुक्रबार औपचारिक कार्यक्रमको आयोजना गरि सो छात्रावासको उद्घाटन गरेको हो । दमक ९ स्थित क्याम्प्स मोडबाट दक्षिण क्याम्स झर्ने बाटोमै रहेको सुरक्षित र पुर्ण कम्पाउन्ड सहितको घर भाडामा लिएर छात्रावास सुरु गरिएको क्याम्पस प्रमुख यज्ञराज गिरिले जानकारी दिनुभयो । यो छात्रावासमा अहिले ५० जना अट्ने र न्युनतम शुल्क लिएर दमक देखि टाढाका विद्यार्थीहरुलाई बसोबासको व्यवस्था मिलाईने उहाँले जानकारी दिनुभयो ।
२० कोठामा भान्सा र भणडार कक्ष छुट्टै राखेर ५० जना अटाईने जनाईएको छ । सो अबसरम क्याम्पस व्यवस्थापन समिती अध्यक्ष ढुण्डिराज भण्डारी यो छात्रावास अस्थाई रहेको बताउदै स्थाई रुपमा आफ्नै नया भवन बनाईने योजना रहेको सुनाउनु भयो ।
जग्गा खरिदको प्रक्रिया अघि बढी रहेको र जग्गा प्राप्ति भएपछि आवश्यकतालाई मद्यनजर गरेर छात्रावास स्थापना गरिने भन्डारीले बताउनु भयो । शुक्रबार उद्घाटन गरिको कार्यक्रमको प्रमुख अतिथी दमक नगरपालिकाका प्रमुख राम कुमार थाप रहनु भएको थियो । अन्य विभिन्न सरोकारवाला तथा शिक्षा प्रेमी , क्याम्पस सन्चालक समितिका पदाधिकारी , सदस्यहरुको सहभागीता रहेको थियो।
