दमक,९ फागुन । फागुन २१ गते नजिकैदै गर्दा नेकपा एमालेले चुनाव लक्षित घर दैलो कार्यक्रम टोल र वडा केन्द्रित गरेको छ ।
नेकपा एमाले वडा कमिटी दमक ८ले फागुन २१ गते हुने निर्वाचन कार्यक्रम लक्षित घरदैलो कार्यक्रमलाई तीव्रता दिएको हो । वडा कमिटी दमक८को निर्वाचन परिचालन कमिटीले आज वडा भित्रको सरस्वती टोल कमिटी र हिजो किरात कञ्चन टोलमा चुनावी घरदैलो कार्यक्रम सम्पन्न गरेको छ ।
दमक ८को वडा वडा कार्यालय छेउवाट शुरु भएको घरदैलो कार्यक्रम सरस्वती टोलको अर्गानी सब्जी मण्डी,साँझा डेरी,वडा नं. ८मा पर्ने दमक हस्पिटल,मकालु मार्ग हुदै अन्तमा सजिलो मार्ट अगाडी पुगेर घरदैलो कार्यक्रम सकिएको निर्वाचन परिचालन कमिटी संयोजक धर्म प्रसाद दाहाल(दिपेश)ले जानकारी दिनु भयो ।
घरदैलो गर्ने क्रममा ज्येष्ठ,बयस्क,युवा र मजदुर लगायतहरुसंग मतदाताहरुसंग मत माग्ने काम गरिएको एमाले वडा कमिटी दमक ८का उपाध्यक्ष युवराज आचार्यले जानकारी दिनु भयो । किरात कचन अन्तर्गतको घरदैलो गर्ने क्रममा किरात चोकवाट शुरु भएको घरदैलो बिकास मार्ग ,आइतबारे लगायतको घर–घरमा पुगेर मतदातासंग मत माग्ने काम भएको एमाले वडा निर्वाचन परिचालन कमिटी संयोजक तथा दमक ८का वडा अध्यक्ष दाहालले जानकारी दिनु भयो । आजै दिउसो ४ वजे दमक ८कै कोरोनेशन होटल अगाडी भेला भएर घरदैलो गर्ने काम रहेको एमाले वडा कमिटी दमक ८ले जनाएको छ ।
