दमक, १० फागुन । प्रभावकारी अभिभावकत्व, शिक्षण सिकाइ प्रक्रिया र प्राथमिक तहका बालबालिकाको समग्र विकास कसरी गर्न सकिन्छ भन्नेबारेमा काठमाडौँबाट आउनु भएका मनोज पंडीतले अभिभावक तथा संरक्षकहरूलाई जानकारी गराउनु हुँदै ।
दमक ५ मा रहेको मदरल्याण्ड अग्रेजी बोर्डीङ स्कुलले आफ्नो बिद्यालयमा अध्ययन गर्ने विद्यार्थी मात्रै नभएर विद्यार्थीका अभिभावक तथा विद्यालयका सञ्चालक सहित शिक्षकहरुले सिक्नु पर्ने हुन्छ भनेर यसखालको कार्यक्रम आयोजना गरेको हो ।
विद्यार्थीहरुको सिकाईलाई प्रभाकारी बनाउन परियोजना केन्द्रित सिकाई प्रणाली बनाउने, गाउँ घर तथा कक्षा कोठा अनी , साथी तथा आफन्तबाटै सिक्ने कुराहरुलाई अधिकतम प्रयोग गराउने जस्ता उपाय र तरिका सिकाइएको थियो । यसमा विद्यार्थी, शिक्षक, विद्यालयको प्रशाषन, सञ्चालक अनी अभिभावकको भूमिका फरक फरक हुने र सबैले आफ्नो भूमिका निर्वाह गर्ने हो भने यसखालको सिकाईले परिणाम दिन सक्ने उपायकारेमा पण्डीतले जानकारी गराउनु भएको थियो ।
गत सोमबार विद्यालयमा यी सबै कुरा सुनेपछि अभिभावकको तर्फबाट बोल्दै अभिभावक हेमन्त न्यौपानेले भन्नु भयो यसरी परियोजनालाई आधार बनाएर सिकाउने हो भने बालबालिकाको सिकाईको क्षमता बढ्न सक्छ ।
आफ्नो नानीलाई अर्कै विद्यालयमा पढाएको र त्यहाँ कितावि कुरा मात्रै पढाएको पाइएपछि यस विद्यालयमा सारेको बताउँदै न्यौपाने भन्नु हुन्छ अहिले मेरी छोरीले आफ्नो काम, कर्तव्य मात्रै सिकेकी छैनन, अनुशासन र सस्कार समेत सिकिरहेकी छिन । यो सबै देन मदरल्याण्ड अग्रेजी बोर्डीङ स्कुलकै सिकाई रहेको उहाँको अनुभव छ ।
विद्यालयको २७ औ वार्षिक उत्सवको अवसरमा आयोजना गरिएको दुई दिने कार्यक्रममा कक्षा १ देखि कक्षा १० सम्मका विद्यार्थीहरूले नृत्य, गायन, संगीत तथा विभिन्न सृजनात्मक प्रस्तुतिमार्फत आफ्ना प्रतिभा देखाएका थिए।
विद्यालय र कारखाना बीचको सहकार्यमा आयोजना गरिएको विज्ञान प्रदर्शनी कार्यक्रमको मुख्य आकर्षण बनेको थियो। साथै विद्यार्थीहरूले सञ्चालन गरेका खाद्य स्टलहरूले वातावरणलाई अझ जीवन्त बनाएको थियो।
अभिभावक तथा संरक्षकहरूको सक्रिय उपस्थितिले कार्यक्रमलाई अर्थपूर्ण र स्मरणीय बनाएको विद्यालयले जनाएको छ। यस्तै नर्सरी, एलकेजी र यूकेजी तहका बालबालिकाहरूका लागि विशेष कार्यक्रम आयोजना गरिएको थियो। पहिलो सत्रमा बालबालिकाहरूले गायन, नृत्य र नाटकमार्फत पाठ्यपुस्तकभन्दा बाहिरका आफ्ना प्रतिभा प्रस्तुत गरेका थिए।
कार्यक्रमले विद्यार्थी, अभिभावक र विद्यालयबीचको सम्बन्धलाई थप सुदृढ बनाएको सहभागीहरूले बताएका छन्।
