दमक, १६ फागुन । राष्ट्रिय स्वतन्त्र पार्टी का कोशी प्रदेश समिति सदस्य ठगेन्द्र प्रसाद नेउपाने नेकपा एमालेमा प्रवेश गर्नुभएको छ। उहाँलाई केपी शर्मा ओलीले उहाँको अस्थाई निवासमा खादा लगाएर पार्टीमा स्वागत गर्नुभएको हो।
चुनाव नजिकिँदै गर्दा उहाँको प्रवेशलाई राजनीतिक वृत्तमा अर्थपूर्ण रूपमा हेरिएको छ। कोशी प्रदेशमा रास्वपाबाट सक्रिय रूपमा काम गर्दै आउनुभएका नेउपानेको एमाले प्रवेशले स्थानीय राजनीतिमा नयाँ समीकरण बन्ने संकेत देखिएको छ।
उहाँले पार्टिभित्रको संकास्थापद गतिबिधी देखेर असह्य भएका कारण पार्टि छोडेको प्रतिकृया दिनुभएको छ । रास्वपामा बसेर देश सक्नु भन्दा एमालेमा बसेर देश जोगाउनु उचीत लागेका कारण एमाले प्रवेश गरेको उहाँले बताउनु भयो ।
यस घटनालाई आगामी निर्वाचनको सन्दर्भमा महत्वपूर्ण मानिएको छ। राजनीतिक विश्लेषकहरूले यसले मतदातामा समेत प्रभाव पार्न सक्ने टिप्पणी गरेका छन्। यस्तै एक हप्ता अघि मात्रै एमाले छोडेर बालेनलाई सघाउन पुग्नु भएका दमकका बिमल नेपाल पनि एमालेमै फर्कनु भएको छ ।
