काठमाडौं,१६ फागुन। काठमाडौंबाट यूएईको राजधानी अबु धाबी उडेको विमान यूएईको आकाशमाथि पुगेर ओमन फर्किएको जनाइएको छ । इरानले मध्यपूर्वमा रहेका अमेरिकी सैन्य केन्द्रहरूमा मिसाइल हान्न थालेसँगै खाडीका देशको उडान अस्तव्यस्त भएको हो ।
अबु धाबीका लागि काठमाडौंबाट उडान भरेको एयर अरेबियाको एडीवाई०४४÷३एल४४ कलसाइन भएको एअरबस ए३२० विमान ओमन फर्केको छ।
अमेरिका र इजरायल मिलेर इरान माथि हमला गरेसँगै मध्यपूर्वमा तनाव चुलिरहेको अवस्थामा इरानले पनि जवाफी हमला गरिरहेको हो। यससँगै खाडी मुलुकले आफ्नो हवाई क्षेत्र बन्द गरेको जनाएका छन् ।
