विर्तामोड,१८ फागुन । नेपाली कम्युनिष्ट पार्टी क्षेत्र नम्बर २ की उम्मेदवार धर्मशिला चापागाईंले क्षेत्र नम्बर २ क अन्तरगतमा रहेको बसपार्कको समस्या हल गर्न आफू तयार रहेको बताउनु भएको छ । बिर्तामोड बसपार्कमा राजनीतिक दलहरू मध्ये पहिलो पटक नेकपाकी उम्मेदवार चापागाईंले मोटरसाइकल र्यालीलाई सम्बोधन गर्दै बसपार्कको समस्या समग्र राष्ट्रिय समस्या भएको बताउनु भएको हो । आफू विजयी भएमा बसपार्कको समस्या समाधान गर्न अग्रपक्तिमा उभिने प्रतिबद्धता उहाँले व्यक्त गर्नु भएको छ । क्षेत्र नम्बर २ का जनतासँगको प्रत्यक्ष भेटघाटपछि आफू उत्साहित भएको उहाँले बताउनु भयो ।
निर्वाचन परिचालन समितिका संयोजक हरिकुमार रानाको अगुवाइमा भएको उक्त कार्यक्रममा प्रेस संयोजक बासु दुलाल, केन्द्रीय सदस्यहरु भास्कर काफले, रुपधोन साउदेन, डा. बीपी मिश्र, धनबहादुर पन्धाक, दीपक मिश्र, मजदुर नेता भूपाल सापकोटा र महिला नेत्री जोया सुब्बा, शमाना लिम्बु, सन्ध्या मास्के, पवन तिम्सिना लगायतका नेताहरू कार्यक्रममा सहभागी हुनुन्थ्यो। उक्त मोटरसाईकल र्याली शान्तिपूर्ण रूपमा क्षेत्र नम्बर २ को ‘क’ अन्तर्गतका कनकाई ८ र ९ हुँदै बिर्तामोड नगरपालिको विभिन्न वडाहरूमा परिक्रमा गरिएको थियो।
पवन किराती
