काठमाडौँ,१२ चैत । राष्ट्रिय प्रजातन्त्र पार्टी (राप्रपा)का सांसद ज्ञानेन्द्र शाहीले देश र जनताको मुद्दालाई अघि बढाउन आफ्नो पार्टीको सहयोग हुने बताउनु भएको छ।
बिहीबार संसद् भवन सिंहदरबारमा सञ्चारकर्मीसँग कुरा गर्दै शाहीले मुलुकमा भ्रष्टाचार अन्त्यका साथै सुशासन कायम गर्ने सहित देश र जनताको मुद्दालाई अघि बढाउन आफ्नो पार्टीको सहयोग हुने बताउनु भएको छ।
उहाँले अबको संसद् पहिलेको संसद् जस्तो नहुने आफ्नो विश्वास रहेको बताउनु भएको छ । उहाँले अब बन्ने करिव दुई तिहाइ नजिकको सरकारलाई राप्रपाले सदैव खबरदारी गरिरहने धारणा राख्नु भएको छ।
उहाँले जाँचबुझ आयोगको प्रतिवेदन कार्यान्वयन गर्दै जोसुकै भएपनि कारबाहीको दायरामा ल्याउनुपर्नेमा जोड दिनु भयो।
