काठमान्डौं,१५ चैत। शोभा पाठकले महेश बस्नेतलाई पक्राउ गर्न माग गर्दै आइतबार जिल्ला प्रहरी परिसर काठमाडौं पुग्नु भएको छ ।
बलात्कारको आरोप लगाउँदै उहाँले यसअघि नै बस्नेतविरुद्ध उजुरी दर्ता गराइसक्नु भएको छ । सोही मुद्दामा कारबाही अघि बढाउन माग गर्दै उहाँ जिल्ला प्रहरी परिसर र सरकारी वकिलको कार्यालय पुग्नु भएको हो।
प्रहरी परिसरमा सञ्चारकर्मीसँग कुरा गर्दै पाठकले नयाँ सरकारले आफूलाई न्याय दिलाउने विश्वास व्यक्त गर्नु भएको छ । उहाँले प्रमाणका आधारमा न्याय हुने अपेक्षा राख्नु भएको छ।
पाठकले बस्नेतलाई तत्काल पक्राउ गर्न नसक्नुको कारणबारे लिखित जवाफ माग गर्दै, उहाँलाई पहिले नै नियन्त्रणमा लिनुपर्ने दाबी पनि गर्नु भएको छ। साथै, उहाँले केपी शर्मा ओलीमाथि बस्नेतलाई संरक्षण दिएको आरोप लगाउनु भएको छ ।
उहाँले अब न्याय प्रक्रिया अगाडि बढ्ने विश्वास व्यक्त गर्दै सुधन गुरुङको कार्यसम्पादनको प्रशंसा समेत गर्नु भएको छ।
