झापा, २१ चैत। गएराति दमकमा मोडिफाई गरी कुदाइएका ८ वटा मोटरसाइकल प्रहरीले नियन्त्रणमा लिएको जनाइएको छ ।
दमकको पशुहाटमा आयोजित कन्सर्ट हेर्न आएका मोडिफाई मोटरसाइकलहरु प्रहरीले नियन्त्रणमा लिएको छ। राति ११ः३० बजे इलाका प्रहरी कार्यालय दमकबाट खटिएको प्रहरी नायव उपरीक्षक किशोर लम्साल समेतको प्रहरी टोलीले ध्वनि प्रदूषण गरी सवारी नियमबिपरित मोडिफाई गरी चलाइएको प्र१–०२–०४८ प ५९०३,प्र.१–०२–०५७ प ८५६१ , प्र.१–०२–०४५ प १९३६ ,को २२ प ६८०० , बा ९८ प ६४२६ ,को २९ प ३३५३ ,मे ४ प ३७६४ र मे ११ प ५६७६ नम्बरको मोटरसाइकल प्रहरीले नियन्त्रणमा लिएको जनाइएको छ।
प्रहरी नायव उपरीक्षक लम्सालले मोडिफाई मोटरसाइकल नियन्त्रण लिने अभियान नै संचालन गर्नु भएको छ । कात्तिक २१ देखि दमक प्रहरीको कमाण्ड सम्हालेका लम्सालले अहिलेसम्म दुई सयभन्दा बढी मोटरसाइकललाई कार्वाही गरिसकेको जनाइएको छ ।
