बाजुरा ,२२ चैत । बाजुराका भिर पाखामा परम्परागत शैलीमा राखिने मौरी घार (स्थानीय भाषामा ‘घाडा’) लोप हुने अवस्थामा पुगेका छन्। वनजंगल नजिक राखिने यी घारले मौरीलाई छिटो मह उत्पादन गर्न सहयोग गर्थे।
पहिले व्यापक रूपमा प्रयोग हुने यी घार अहिले भने कम देखिन थालेका छन्। आधुनिक टिनका घार प्रयोग बढेसँगै परम्परागत मौरी पालन घट्दै गएको हो।
बाजुराका ९ वटै स्थानीय तहका विभिन्न भेगमा यस्ता घार राख्ने चलन भए पनि अहिले विरलै मात्र देख्न पाइन्छ। चिसो तथा वनस्पतिले भरिपूर्ण पाखो क्षेत्रमा मौरी पालन उपयुक्त मानिन्छ।
आधुनिक प्रविधिको प्रयोगसँगै परम्परागत मौरी घार संरक्षण चुनौतीपूर्ण बन्दै गएको छ।
