काठमाडौं,२४ चैत । राष्ट्रिय स्वतन्त्र पार्टी (रास्वपा) की समानुपातिक सांसद आकृति अवस्थीले हालैको जेनजी आन्दोलनसँग सम्बन्धित हिंसात्मक घटनाबारे गम्भीर प्रश्न उठाउनु भएको छ । आज प्रतिनिधिसभा बैठकको शुन्य समयमा बोल्दै विद्यालय पोसाकमै कुशासन र भ्रष्टाचारविरुद्ध प्रदर्शनमा उत्रिएका युवामाथि टाउकोमा गोली प्रहार गर्ने कुन राष्ट्रिय र अन्तर्राष्ट्रिय कानुनले दिन्छ भन्दै प्रश्न गर्नु भएको छ ।
‘विद्यालय पोसाकमा कुशासन र भ्रष्टाचार विरुद्ध प्रदसनमा रहेका भाईबहिनीहरु माथि टाउकोमा ताकी ताकी गोली हान्नी हत्या गर्ने गर्ने कुन राष्ट्रिय र अन्तर्राष्ट्रिय कानुनले दिन्छ,’ भन्दै उहाँले प्रश्न गर्नु भएको छ। उहाँले नेपालको संविधान र विगतका जनआन्दोलनको स्मरण गर्दै ती आन्दोलन राज्यव्यवस्था परिवर्तनका लागि जनताद्वारा प्रेरित भएको उल्लेख गर्नु भएको छ ।
हालको जेनजी आन्दोलनलाई विदेशी प्रभाव वा बाह्य चलखेलसँग जोड्ने प्रयासप्रति उनले आपत्ति जनाउँदै त्यसको सत्यता स्पष्ट गर्न सरकारसँग माग गर्नु भयो। ‘नेपालको संविधान नेपालको विभिन्न काल खण्डमा जनताद्वारा भएका स्वतस्मृत जनआन्दोलनहरु राज्यव्यवस्था परिर्वतन प्रारीत थिए तर कुशासन र भ्रष्टाचार विरुद्ध भएको जेनजी आन्दोलन कसर एआइएलको रिदम र विदेशीको चलखेलले हुन सन्छ,’ उहाँले भन्नु भयो। उहाँले यो घटनाको प्रश्न मात्र नभई राज्यको जिम्मेवारी भएको बताउनु भयो।
