दमक, २६ चैत । सामुदायिक विद्यालयमा गुणस्तरीय पढाइ हुन्छ र? भन्ने प्रश्न केही अभिभावकहरुमा आउन सक्छ । तर यो प्रश्न हैन भ्रम हो भन्ने कुरा चिरिरहेको छ झापाको कमल गाउपालिका ५ मा रहेको मंगलमय माविले ।
यहाँ विद्यार्थीलाई प्रबिधि सहित प्राविधिक शिक्षा मात्र दिइदैन उनिहरुमा सीप र दक्षता समेत बढाउने गरिको शिक्षा समेत प्रदान गरिरहिएको यस बिद्यालयका प्रधानाध्यापक मोहन बगालेले जानकारी दिनुभयो । उहाँ भन्नुहुन्छ, “ यहाँ विद्यार्थीलाई किताव्रे ज्ञान मात्र हैन, अतिरिक्त कृयाकलाप, विद्यार्थीको रुचि अनुसारका सीप र अन्य कार्यक्रम समेत यहाँ सिकाइन्छ त दक्ष जनशक्ति तयार पारिन्छ । “
यो बिद्यालयले नयाँ शैक्षिक सत्रकालागी समेत भर्ना खुल्ला गर्ने भएको छ । आधुनिक र समयानुकूल शिक्षा प्रदान गर्ने उदेश्य राखेर नेपाल सरकारले तोकेको नियम परिधिभित्र रहि भर्ना खुलाउने र अध्यापन गराउने बिद्यालयले जनाएको छ । यस बिद्यालयले बुधबार शैक्षिक सत्र २०८१ को नतिजा प्रकाशन गरेर उत्कृष्ट विद्यार्थीलाई पुरस्कार बितरण समेत गरेको थियो ।
