दमकमा ८ कक्षाको नतिजा प्रकाशन

दमक , २६ चैत |दमक नगरपालिका नगर कार्यपालिकाको कार्यालयले कक्षा ८ को आधारभूत शिक्षा उत्तीर्ण परीक्षाको नतिजा प्रकाशन गरेको जनाएको छ । नगरपालिका ले आज जारी गरेको सूचनाअनुसार २०८२ चैत ८ गतेदेखि १६ गतेसम्म सञ्चालन भएको नगरस्तरीय आधारभूत शिक्षा उत्तीर्ण परीक्षा (कक्षा ८) को नतिजा सार्वजनिक गरिएको हो।

नगरपालिकाले सबै विद्यालयलाई EMIS प्रणालीमार्फत नतिजा प्राप्त गरी प्रकाशन गर्न आग्रह गरेको छ। यसका लागि सम्बन्धित विद्यालयले emis.cehrd.gov.np वेबसाइटमा आफ्नो User ID र Password प्रयोग गरी लगइन गर्नुपर्नेछ।

त्यसपछि Dashboard को Manage Exam मा गई Grade Wise Ledger चयन गरेर नतिजा डाउनलोड तथा प्रिन्ट गर्नुपर्नेछ। यसरी प्रिन्ट गरिएको Ledger नगरपालिकाबाट प्रमाणित गराई विद्यालयले हार्ड कपी सुरक्षित राख्न पनि निर्देशन दिइएको छ।

त्यस्तै, दुई वा सोभन्दा बढी विषयमा NG प्राप्त गरेका विद्यार्थीलाई ग्रेडवृद्धि परीक्षा दिने व्यवस्था गरिएको छ। सम्बन्धित विद्यालयले विद्यार्थीको विवरणसहित २०८३ वैशाख ५ गतेसम्म शिक्षा, युवा तथा खेलकुद शाखामा विवरण पेश गर्नुपर्नेछ। ग्रेडवृद्धि परीक्षा वैशाख ११ र १२ गते सञ्चालन हुने र उत्तरपुस्तिका परीक्षणपछि वैशाख १५ गतेभित्र शाखामा बुझाउनुपर्ने व्यवस्था गरिएको शिक्षा अधिकृत सोमनाथ गुरागाईले जानकारी दिनुभयो ।