दमक,२८ चैत्र । साहित्य कला सङ्गम दमकको आयोजनामा कवि , साहित्यकार तथा मुक्तककार ओमप्रसाद खनालको मुक्तक सङग्रह “मनको फित्कौली“ एक समारोहका बिच लोकार्पण भएको छ ।
दमक प्रज्ञा प्रतिष्ठानका अध्यक्ष समेत रहेका बरिष्ट साहित्यकार डा.गोपाल प्रसाद भण्डारीको प्रमुख अथितिथ्यतामा भएको उक्त कार्यक्रममा,साहित्य कला सङ्गमका पुर्व अध्यक्ष नरपति पाण्डे , पुर्व महासचिव दिपक सुवेदी,मिक्लाजुङ साहित्य समाजका मोरङ्गका अध्यक्ष ईन्द्र प्रसाद धिमीरे , कृतिकार ओमप्रसाद खनाल,भारत आसामका सहित्यकारहरु रामप्रसाद दहाल र अनुप शर्मा ,शैक्षिक व्यक्तित्वहरु लिलानाथ खनाल र शेषकुमार निरौला , कृतिकारकी जीवन सङ्गिनी तुलसा खनाल लगायतले संयुक्त रुपमा लोकार्पण गरेका थिए ।
लोकार्पण भएको उक्त मुक्तक सङग्रहलाई साहित्यकार शिशिर भट्टराईले समिक्षात्मक टिप्पणी गरेका थिए । कार्यक्रममा कृतिकार खनालले मुक्तक सङ्ग्रह प्रकाशन गर्दाका अनुभवहरु प्रकाश पारेका थिए ।
कार्यक्रममा साहित्यकारहरु बिबेक दुलाल क्षेत्री,रामप्रसाद उपाध्याय, रिता पोख्रेल,मेधनाथ बन्धु,ओमप्रकाश गौतम,दिपक सुवेदी,चन्द्र सम्वाहाम्फे,भगवती दवाडी, गणेश गौतम,लगायतले रचना वाचन गरेका थिए ।कार्यक्रममा साहित्यकारहरु पुस्ता राई,अनुप बैरागी,किशोर खनाल,प्रेम बहादुर बस्नेत,नेत्रप्रसाद दहाल,गोपाल दहाल,खड्ग बहादुर खड्का,पदमप्रसाद ओली लगायतको उपस्थिति रहेको थियो ।
दिपिनी आधारभुत बिद्यालयको सभाहलमा भएको उक्त कार्यक्रममा नव वर्ष २०८३ को शुभकामना आदानप्रदान समेत गरिएको छ । साहित्य कला सङ्गमका उपाध्यक्ष यादवप्रसाद अधिकारीले स्वागत मन्तव्य राखेको उक्त
कार्यक्रम साहित्य कला सङ्गम दमक झापाका अध्यक्ष बिन्दु दहाल मुकदर्शकको अध्यक्षतामा भएको थियो भने कार्यक्रमको सञ्चालन सङ्गमका सचिव बिरेन्द्र खड्काले गरेका थिए ।
