दमक,७ वैशाख। दमक ३ का कर्ण बहादुर बस्नेत । अटो रिक्सा कुदाएर गुजारा चलाउनु हुन्छ । घरबाट बाहिर निस्कदा अटो रिक्सामा आज कसरी पेट्रोल हाल्ने भन्ने चीन्ता उहाँमा सुरु हुन्छ । उहाँ भन्नु हुन्छ प्रधानमन्त्रीकै निर्वाचन क्षेत्रमा हाम्रो पीडा र समस्या बोली दिने र सोधीदिने कोहि पनि भएन । कहाँ गएर भन्ने कसलाई सुनाउने ? उहाँले प्रश्न गर्नुभयो ।
प्रधानमन्त्री बालेनको निर्वाचन क्षेत्रमै बस्नु हुने सरस्वता सिवाकोटि डेरामा बस्नु हुन्छ । दमकमा होटल व्यवसाय गरेर बस्नु भएको छ । बजारमा जाँदा ग्यास पर्याप्त पाइनरहेको, हरेक सामान महगोमा खरिद गर्नु परेको तर ग्राहकले चाहि सस्तोमा खोज्ने भएपछि व्यवसाय गर्ननै चुनौती भएको उहाँले सुनाउनु भयो ।
दमक चोकमा भेटिनु भएका धर्मराज खड्काले अहिलेको मुल्य बृद्धिका कारण मद्यम वर्गीय समुदायलाई बाँच्नै मुस्किल परेको सुनाउनु भयो । सरकारले कुनै न कुनै उपाय लगाएर भएपनि यो महगीको मारबाट बाहिर निकालेर राहत दिनु पर्ने उहाँको माग छ ।
तेह्रथुम घर हुनु भएका सरोज निरौला दमकमै बसेर अध्ययनसगै काम पनि गर्नु हुन्छ । अहिले उहाँले गर्ने काममा तलव चाहि बढेको महसुस गर्नु भएको छैन । तर उहाँले बजारमा बढेको हरेक सामानको मुल्यको चाहि प्रत्यक्ष अनुभव लिइरहनु भएको छ । त्यसैले उहाँ भन्नु हुन्छ, वर्तमान सरकारले केके गरेर हुन्छ अहिलेको बढिरहेको बजारको मुल्यलाई नियन्त्रण गर्नु पर्यो, जनतालाई सहज वातावरण बनाइदिन पर्यो ।
अन्तराष्ट्रिय स्तरमा मुल्य बृद्धि भइरहेपनि विभिन्न देशले आफ्ना नागरिकलाई सहज दिन यस्तो अवस्थामा केहि राहतका कार्यक्रम घोषणा गरेका छन् । तर नेपालमा रास्वपा नेतृत्वको करिव दुइ तिहाई सरकार बन्दा पनि कुनै निर्णय नहुनु राज्यले नागरिकको अवस्था नबुझेको हो भन्ने ठहर हुन्छ । अहिलेको मन्त्रिपरिषद धनि नेताहरुको भएका कारण मद्यम र गरिव जनताको अवस्था महसुस गर्न नसकेको कारण राहतको निर्णय गर्न ढिलाई भएको हो कि भन्ने आकंलन पनि गर्न थालीएको छ ।
