दमक,८ वैशाख । निकै भावुक र उत्तेजक नारा ‘मेरो बाउ खाडीमा तेरो बाउ गाडीमा’ । जेन जी आन्दोलनको बेला यूवाहरुको मुख मुखबाट यो नारा बोलीयो । नारा तय गरेका थीए त्यस बेला हामी नेपाल सस्थाका अध्यक्ष तथा आन्दोलनमा पानी बाडेर समाज सेवा गर्ने व्यक्ति सुदन गुरुङ र उहाँको टिमले ।
नारा सान्दर्भीक छ । बास्विकता पनि हो । आम नेपालीको घर घरको अवस्था झल्काउने नारा हो । मेरो बाउ खाडीमा । तर अरु सबैको बाउ गाडीमा नै छन् त ?
यसरी यूवाहरुको मनोभावनालाई उत्तेजीत बनाएर जेन आन्दोलनलाईनै हाइज्याक गरेको समेत आरोप खेपीरहनु भएका वर्तमान बालेन सरकारका सबै भन्दा विवादीत गृहमन्त्री सुदन गुरुङ चाहि के मा र कसरी हिड्नु हुन्छ ?
गाडीमा हिड्ने जती सबै भ्रष्टचारी, देशद्रोही अनी देशका कलंक भन्ने भाष्य जेन जी आन्दोलनमा बनाइयो । दुख गरेर आफ्नो आवश्यकतालाई मद्यनजर गरेर गाडी किनेहरुपनि गाडी चढ्नै त्राहिमाम हुने अवस्थामा थियो त्यो बेला ।
तर आन्दोलन सकियो । प्रधानमन्त्रीमा सुशीला कार्की आउनु भयो । उहाँको खुट्ट ढेकेर जेठो छारोको उपमा पाउनु भएका वर्तमान गृहमन्त्रीले त्यसको केहि दिन पछि उनै आमा प्रधानमन्त्रीको राजीनामा माग गर्न थाल्नु भयो ।
अहिले उहाँ आफै गृहमन्त्री हुनुहुन्छ । बालेन क्यावेनेटको हाई स्पिटमा कसैले काम गरेको छ भने त्यो गृहमन्त्री नै हो । मन्त्री भएको भोली पल्ट बिहानै हाई प्रोफाईलका व्यक्तिहरु पूर्व प्रधानमन्त्री केपि शर्मा ओली, पूर्व गृहमन्त्री रमेश लेखक र केहि दिनमै पूर्व उर्जामन्त्री दिपक खड्कालाई पक्राउ गर्नुभयो । अनी जनतामा हाई हाई सुदन दाईको नारा पनि लाग्यो ।
कतिले यसलाई स्वागत गरे । प्रशंष गरे । कतिले यो कदम असंवैधानीक भने । सवोच्चमा रीट पर्यो । त्यसपछिको ओदेशले पक्राउ परेकालाई छोड्ने आदेश दियो । खेल सकियो ।
अहिले तिनै गृहमन्त्री विवादमा पर्नु भएको छ । खासगरी मन्त्रीहरुको सम्पत्ती सार्वजनिक भएपछि एउटा भरियाको छोरोले यती कम उमेरकै यत्रो सम्पत्ती कसरी कमायो भन्ने प्रश्नले उहाँलाइ घेरेको छ ।
मेरो बाउ खाडीमा तेरो बाउ गाडीमा भन्ने नारा अहिले आफै तिर सोझीएको छ ।
सरकारी गाडी नचढ्ने र आफ्नै गाडी आफै चलाएर हिड्ने उहाँको निती उदाहरणीय भएपनि त्यो गाडी किन्ने पैसाको श्रोत के हो भन्ने प्रश्न उठेको छ ।
अरुको सम्पत्ती छानविन गर्ने भन्दै निर्णय गर्दा सबैभन्दा पहिला यीनै गृहमन्त्रीको सम्पत्ती श्रोतको छानविन हुने वाला देखिएको छ ।
भारी बोकेर सन्तान पढाएका बाबुका छोराले कुनै ठूलो व्यापार र उद्योग नगरी समाजसेवाबाट आर्जन गरेको कमाई अर्को प्रश्नको घेरामा छ । ८९ तोला सुन हुनु आफैंमा अचम्म छ । कहाँबाट आयो त्यो सुन किन्ने रकम ? सुधन जस्तै समाजसेवा गर्ने वंशज धनीको पनि त्यत्रो सुन हुँदैन । उनको कसरी आयो ? यो प्रश्न गम्भीर छ । शेयरमा सुधनको ४ करोड बढी देखिएको छ । अहिले त झन शंकर समूह र दीपक भट्टले नीतिगत चलखेलबाट अनुमति लिएका दुई कम्पनीमा संस्थापक सेयर रहेको र सो विवरण सम्पत्ति विवरणमा लुकाएको विषयले सिहंदरबारलाई फनननन घुमाईदिएको छ ।
चौतर्फि रुपमा घटनाको वारेमा छानविनकालागी सघाउन गृहमन्त्री गुरुङले राजिनामा गर्नुपर्ने माग बढिरहेको छ ।
बालेनको रोजाईबाट गृहमन्त्री बन्नु भएका सुदनका विरुद्धमा मुद्धा दर्ता भयो र किटानी जारी भयो भने
त्यो बेला बोलेको ‘मेरो बाउ खाडीमा तेरो बाउ गाडीमा’ अव हतकडी लाग्ला कसको नाडीमा ?
समयले पक्कै देखाउनेनै छ ।
