दमक , १० बैशाख | दमक नगरपालिका–२ पाथिभरा टोलमा वाल्मिकी मन्टेश्वरी विद्यालयको उद्घाटन गरिएको छ ।
वडा सदस्य ललित विकको प्रमुख आतिथ्यतामा सम्पन्न कार्यक्रममा विद्यालयकी सञ्चालिका वसन्ती भट्टराईको अध्यक्षता रहेको थियो । उद्घाटन कार्यक्रमका अवसरमा बोल्दै प्रमुख अतिथि विकले बालबालिकाको प्रारम्भिक शिक्षामा गुणस्तर अभिवृद्धि गर्न मन्टेश्वरी शिक्षाको भूमिका महत्वपूर्ण रहेको बताउनुभयो ।
उहाँले स्थानीय स्तरमै बालमैत्री, स्वच्छ र शान्त वातावरणमा गुणस्तरीय शिक्षा प्रदान गर्ने उद्देश्यले विद्यालय स्थापना हुनु सकारात्मक कदम भएको उल्लेख गर्नुभयो ।
विद्यालयकी सञ्चालिका भट्टराईले अनुभवी तथा तालिमप्राप्त शिक्षक–शिक्षिकाबाट बालबालिकालाई मनोवैज्ञानिक आधारमा शिक्षा प्रदान गरिने जानकारी दिनुभयो । साथै विद्यालयमा बालमैत्री कक्षा कोठा, खेल मैदान, पुस्तकालय, स्वच्छ खानेपानी तथा अन्य आवश्यक पूर्वाधारको व्यवस्था गरिएको विध्यालयका प्रधानाध्यापक प्रकास बुढाथोकीले बताउनु भयो ।
उक्त विध्यालयले नयाँ शैक्षिक सत्र २०८३ का लागि भर्ना खुला गरिएको विद्यालयले निःशुल्क बीमा सुविधा तथा पाठ्यपुस्तक समेत उपलब्ध गराउने जनाएको छ ।
गाउँधरमै सबै प्रकृया पुरा गरि सञ्चालन गर्न लागिएको वाल्मिकि मन्टेश्वरी विध्यालय वालवालिकाको पहिलो पाठशाला रहेको बताउदै वडाबाट गर्नुपर्ने अावश्यक सहयोग गर्ने वडा सदस्य ललित विकले विध्यालय उद्घाटनका क्रममा बताउनु भयो ।
कार्यक्रममा वडा सदस्य, अभिभावक, स्थानीय बासिन्दा, बुद्दिजिवि, एवं सरोकारवालाहरूको उल्लेख्य सहभागिता रहेको थियो ।
