ओखलढुंगाबाट प्रतिनिधिसभा सदस्य विश्वराज पोखरेल सम्बन्धी विवादित भिडियो सार्वजनिक भएपछि उहाँको सचिवालयले विस्तृत प्रष्टीकरण दिएको छ। राष्ट्रिय स्वतन्त्र पार्टी ९रास्वपा० का तर्फबाट जारी वक्तव्यमा घटनाको ‘आंशिक भिडियो’ मात्रै बाहिर आएकाले वास्तविकता बङ्गिएको दाबी गरिएको छ।
खिजिदेम्बा गाउँपालिकाको रगनीस्थित एक विद्यालयमा निरीक्षणका क्रममा पुग्नुभएका सांसद पोखरेललाई प्रधानाध्यापकले तत्काल भेट नगरी केही समय कुर्न लगाएको सचिवालयले जनाएको छ। कार्यालय सहयोगीमार्फत कुर्न अनुरोध गरिएपछि उहाँले धैर्यपूर्वक प्रतीक्षा गरेका तर लामो समयसम्म पनि प्रधानाध्यापक नआएपछि उहाँ बाहिर निस्किएको उल्लेख छ गर्नु भएको छ।
पछि प्रधानाध्यापक बाहिर आएर माफी मागेपछि पुनः भित्र गएर आपसी सम्मानका साथ छलफल सम्पन्न भएको सचिवालयको भनाइ छ।
भिडियोबारे दाबी
सचिवालयका अनुसार सामाजिक सञ्जालमा सार्वजनिक भएको भिडियो “घटनाको सानो अंश” मात्र हो, जसले गर्दा आम जनमानसमा भ्रम सिर्जना भएको छ। पूर्ण भिडियो सार्वजनिक भएको भए वास्तविकता प्रस्ट हुने दाबी गरिएको छ।
