सावधान के तपाईँलाई थाहा छ दिन दिनै गर्मी बढीरहेको छ। अरु बेला भन्दा बढी हामीले यो गर्मीमा अझै आफ्नो स्वास्थ्यलाई ध्यान दिनु पर्छ। तपाईँ आफ्नो स्वास्थ्यलाई हेलचेक्राइ त गर्दै हुनुहुन्न नी।
काम सँगसँगै आफ्नो स्वास्थ्यलाई पनि ध्यान दिनु पर्छ। सधैँ काम काम भनेर आफ्नो ख्याल गर्नै त छोड्नु भको छैन याद राख्नुहोस्,पहिलो सुख, निरोगी अर्थात् पहिला स्वास्थ्य अनि मात्र काम।
आज स्वास्थ्य रहन कति र कसरी पानी पिउने, दिनमा कति पटक पिउने भन्ने बारेमा जानौं आफु र आफ्नो स्वास्थ्यलाई विषेश ध्यान दिउ
यदि तपाईँ बाहिर घाममा वा धेरै शारीरिक श्रम हुने काम गर्नुहुन्छ भने दिनमा ३ देखि ४ लिटर सम्म पानी आवश्यक पर्न सक्छ।
पिसाबको रङ हेरेर पनि पानीको आवश्यकता थाहा पाउन सकिन्छ। यदि पिसाबको रङ सफा वा हल्का पहेलो छ भने तपाईँको शरीरमा पानीको मात्रा ठिक छ, तर गाढा पहेलो छ भने तुरुन्तै पानी पिउनु आवश्यक छ।
पानी पिउने सही तरिका
एकैचोटि एक लिटर पानी पिउनु भन्दा अलि९अलि गर्दै पटक पटक पिउनु शरीरका लागि फाइदाजनक हुन्छ।
सकभर शान्त भएर बसेर पानी पिउँदा शरीरका अंगहरूले यसलाई राम्ररी सोस्न पाउँछन्।
फ्रिजको एकदमै चिसो पानीले पाचन प्रक्रियामा असर गर्न सक्छ र घाँटीको समस्या निम्त्याउन सक्छ। सम्भव भएसम्म घैँटोको पानी वा सामान्य तापक्रमको पानी पिउनु उत्तम हुन्छ।
कुन कुन समयमा पानी पिउनु उचित हुन्छ
बिहान उठ्ने बित्तिकै खाली पेटमा १ देखि २ गिलास मनतातो वा सामान्य पानी पिउनाले शरीरका विषाक्त पदार्थ बाहिर निकाल्न मद्दत गर्छ।
खाना खानुभन्दा आधा घण्टा अघि पानी पिउनुहोस् यसले पाचन प्रणालीलाई सक्रिय बनाउँछ। तर खाना खाने बित्तिकै धेरै पानी नपिउनुहोस् खाना खाएको ४५ मिनेट पछि मात्र पिउनु राम्रो स्वास्थ्यलाई एकदम फाईदा हुन्छ।
तिर्खा लाग्नु अघि, तिर्खा लाग्नु भनेको शरीरमा पानीको कमी भइसकेको संकेत हो। त्यसैले तिर्खा नलागे पनि समय९समयमा पानी पिउने बानी बसाल्नुहोस्।
पानीको विकल्पमा अन्य कुराहरू
केवल सादा पानी मात्र पिउन गाह्रो हुन्छ भने यी प्राकृतिक पेयहरू पनि समावेश गर्न सक्नुहुन्छ
नरिबलको पानी र कागती पानी, यसले शरीरमा इलेक्ट्रोलाइट्सको मात्रा सन्तुलनमा राख्छ।
दहीको मोहि वा लस्सी, यसले पेटलाई सितल बनाउँछ।
काँक्रो, खरबुजा र फलफूल, यी फलफूलमा पानीको मात्रा धेरै हुन्छ, जसले गर्मीमा ऊर्जा दिन्छ।
तपाईँ आफ्नो काममा व्यस्त रहँदा एउटा पानीको बोतल सधैँ साथैमा राख्नुहोस् ताकि कामको बीच९बीचमा पानी पिउन सजिलो होस्। स्वस्थ शरीर नै सबैभन्दा ठुलो धन हो,
