दमक । १९ बैशाख । दमक ६ निवासी ऐश्वर्य तिम्सिनाले आफ्नो नातीको नाममा अक्षय कोष स्थापना गर्नु भएको छ ।
दमक ९ मा रहेको दमक बालबृद्ध आश्रमको नाममा उहाँले एक लाख १ हजार एक सय रुपैँया बराबरको अक्षय कोष स्थापना गरि सो को चेक तथा अन्य बैंकीक विवरण समेत आश्रम समितीलाई हस्तान्तरण गर्नु भएको छ ।
गत बिहिबार नाती अर्जुन तिम्सिना(सगेश)को स्मरणमा निर्मित अक्षय कोष हजुरवुवा ऐश्वर्य, बुबा नुतनराज तिम्सिना , आमा दीपा न्यौपाने तिम्सिना लगायतको सामुहिक उपस्थितीमा आश्रमलाई हस्तान्तरण गरिएको थियो ।
नाती सगेशको गत २०८२ बैशाख १६ गते अढाई वर्षको उमेरमा निमोनीयका कारण मृत्यू भएको थियो । उहाँको स्मरणमा सो अक्षयकोष स्थापना गरेको हजुरबुबा ऐश्वर्यले जानकारी दिनुभयो ।
