प्रेस स्वतन्त्रता नागरिकको सुसूचित हुन पाउने अधिकार भएको थापाको दाबी

काठमाडौँ,२० वैशाख। नेपाली कांग्रेसका सभापति गगन थापाले सत्य समाचार लेखेकै आधारमा सञ्चारकर्मीले डराउनु नपर्ने वातावरण निर्माण गर्नुपर्नेमा जोड दिनु भएको छ। उहाँले यो कार्य सबैको साझा दायित्व भएको बताउँदै स्वतन्त्र र निर्भिक प्रेसलाई लोकतन्त्रको प्रमुख आधार स्तम्भ भन्नु भएको छ ।

विश्व प्रेस स्वतन्त्रता दिवसको अवसरमा सामाजिक सञ्जाल मार्फत् शुभकामना सन्देश दिँदै सभापति थापाले लेख्नु भएको छ, ‘लोकतन्त्रको आधार स्तम्भ नै स्वतन्त्र र निर्भय प्रेस हो। तर आजको बदलिँदो समयमा सूचना संकलन र सत्यको खोजी गर्ने कार्य चुनौतीपूर्ण बन्दै गएको छ ।

असुरक्षा र दबाबका बीच पनि सत्यको पक्षमा उभिएका सञ्चारकर्मीहरूको आफूले सम्मान गरेको उल्लेख गर्नु भएको छ । ‘प्रेस स्वतन्त्रता नागरिकको सुसूचित हुन पाउने अधिकार’ हो उहाँले भन्नु भयो।