काठमान्डौं, २१ वैशाख ।सरकारले लियो विश्व बैंकबाट ५२ मिलियन डलर ऋण, शिक्षा, स्वास्थ्य वा पूर्वाधार विकासका लागि उपयोग गरिने
सरकारले विश्व बैंकसँग ५२ मिलियन अमेरिकी डलर बराबरको सहुलियत ऋण लिने भएको छ। यो बाहेक ५ मिलियन बराबरको अनुदान पनि स्वीकार गर्ने निर्णय गरेको छ।
ऋण लिइएको ५२ मिलियन अमेरिकी डलर भनेको आजको विदेशी मुद्राको विनिमयदरअनुसर ७ अर्ब ८८ करोड ३७ लाख रुपैयाँ बराबर हुन आउँछ। यसैगरी सरकारले पाएको अनुदान रकमको नेपाली रुपैयाँ ७५ करोड ९० लाख रुपैयाँ हुन आउँछ।
आज बसेको प्रधानमन्त्री तथा मन्त्रिपरिषद्को बैठकले उक्त निर्णय गरेको हो। मन्त्रिपरिषद् बैठकले परम्परागत बोइलरलाई इलेक्ट्रोनिक बोइलरले प्रतिस्थापन गर्न उद्योगहरूलाई कर्जा उपलब्ध गराउने र वायु गुणस्तर मापन क्षमता बढाउने प्रयोजनका लाग विश्व बैंकबाट प्राप्त हुने ५२ मिलियन अमेरिकी डलर बराबरको सहुलियत ऋण तथा पाँच मिलियन अमेरिकी डलर बराबरको अनुदान स्वीकार गर्ने निर्णय गरेको प्रवक्ता एवं शिक्षा, विज्ञान तथा प्रविधि मन्त्री सस्मित पोखरेलले जानकारी दिनु भएको छ ।
बैठकले संसद् भवन परिसरमा प्रवेशलगायतका विषय समावेश गरिएको सिंहदरबार परिसरको परिमार्जित गुरुयोजना स्वीकृत गर्ने निर्णय गरेको शिक्षामन्त्री पोखरेलले बताउनु भयो।
उक्त ,बैठकले भारतसँग जिटुजी खरिद माध्यमबाट ६० हजार मेट्रिकटन यूरिया र २० हजार मेट्रिकटन डिस्पी मल खरिद गर्न कृषि सामग्री कम्पनी लिमिटेडलाई सैद्धान्तिक स्वीकृति प्रदान गर्ने निर्णय गरेको छ।
