दमक, २२ बैशाख । दमक नगर क्षेत्रमा रहेका सुकुमबासी बस्तिमा डोजर चल्यो भने सबैभन्दा पहिला आफु छाती थाप्न अगाडी आउने दमक नगरपालिकाका प्रमुख राम कुमार थापाले बताउनु भएको छ ।
सोमबार दमकका बिभिन्न क्षेत्रमा बसोबास गर्ने भूमिहिनहरुसगको संवादका क्रममा उहाँले भन्नु भयो ‘तपाईहरु जग्गा प्राप्तीको प्रकृयामा हुनुहुन्छ । निस्सा पाइसक्नु भएको छ । अन्य प्रकृया अघी बढिरहेका छन् ।
केहि समयमा यसको प्रकृया सकिन्छ र बास्तविक सुकुमबासीहरुले धनीपुर्जा पाउनु हुने छ । ’
उहाँले त्यो भीडलाई आश्वाशन दिदै भन्नु भयो ‘यदी दमकको कुनैपनि बस्तिमा कसैलेपनि डोजर चलाएर भत्काउन आए सबैभन्दा पहिला अघी म आउछु र त्यहाँ छाती थाप्ने छु । ’ नगर प्रमुख थापाले भन्नुभयो ।
दमक नगर क्षेत्रमा बसोबास गर्ने एकसय भन्दा बढि सुकुमबासीहरुले काठमाडौका सुकुमबासी बस्तिमा डोजर चलेपछि आफुहरुको बस्तिमा पनि चल्छ कि भन्दै चीन्ता राखेर नगर प्रमुखलाई भेट्न नगरपालिका पुगेका थिए ।
त्यसरी पुगेका सुकुबासीहरुलाई नआत्ती बस्न नगर प्रमुख थापाले आस्वाशन दिनु भएको थियो ।
