मुगु,२५ वैशाख । हिमाली जिल्ला मुगुको पूर्व भेगमा पर्ने मुग मकामारोङग गाउँपालिकामा पाहिने बहुमूल्य जडीबुटी यार्सागुम्बा टिप्नकोलागि लुकीछिपी गएका २५ जना मानिसहरूलाई प्रहरीले पक्राउ गरेको छ ।
लुकीछिपी मुगु जिल्लाका विभिन्न यार्सा पाटनहरूमा यार्सागुम्बा टिप्न जाने क्रममा २५ जनालाई नियन्त्रणमा लिएको जिल्ला प्रहरी कार्यालय मुगुले जानकारी दिएको छ ।
बिहीबार जिल्लाको पातारासी गाउँपालिकाका वडा नं १ र २ का एक बालिकासहित २४ जनालाई नियन्त्रणमा लिई अनुसन्धान गरिरहेको जिल्ला प्रहरी कार्यालय मुगुले जनाएको छ ।
प्रहरीका अनुसार ‘विना अनुमति पाटन वन क्षेत्रमा प्रवेश गर्ने व्यक्तिलाई पक्राउ गरेको र यस अघ पनीे पटक पटक जिल्ला प्रहरी कार्यालय मुगु र सम्बन्धित प्रहरी चौकीहरूको समन्वयमा ठुलो संख्यामा गएका व्यक्तिलाई पक्राउ गरेर सम्बन्धित स्थानमा पठाई सकेको छे ।
पक्राउ परेकाहरूलाई जिल्ला प्रहरी कार्यालयमा ल्याई सकेको पनि प्रहरीले जानकारी दीएको छ ।
यार्सागुम्बा संकलनको लागि मुगुमा कार्मारोङ्ग गाउँपालिकाले हाल सम्म कुनै पनि आधिकारिक रूपमा सूचना प्रकाशित गरेको छैन । विगत वर्षहरूमा यार्सागुम्बा संकलनको लागि विभिन्न छिमेकि जिल्लाबाट अनाधिकृत रूपमा लुकीछिपी वन प्रवेश गर्ने व्यक्तिलाई पक्राउ गरी सम्झाई बुझाई गरेर सम्बन्धित गाउँ घरमा फर्काउने गरिँदै आएको थियो तर यो चोटि पक्राउ परेकाहरूलाई नियन्त्रणमा राखेर बयान लिएर हाजिरी जमानी गरेर छोडिने छ ।
यार्सागुम्बा संकलनको समय नजिकिँदै गर्दा मुगुका यार्सापाटनहरुमा सुरक्षा बढाइएको छ । यो वर्ष यार्सागुम्बा सङ्कलनका लागि जिल्लाका यार्सापाटनहरु कहिले खुलाउने भन्ने विषयमा कुनै जानकारी गरिएको छैन । मुगुमा कार्मारोङ्ग गाउँपालिकाले एक सूचना जारी गर्दै यार्सा संकलनमा यार्सापाटनहरु आधिकारिक रूपमा नखुल्दै कोही कसैलाई चोरीको लागि पाटनतिर प्रवेश नगर्न आग्रह भने गरिसकेको छ ।
मुगु जिल्लाका २ दर्जन बढी वन तथा पाटन क्षेत्रहरूमा पाइने बहुमूल्य, बहु उपयोगी जडीबुटी यार्सागुम्बा सङ्कलनका लागि हुम्ला, जुम्ला, बाजुरा, दैलेख, कालिकोट, अछामसहित देशभर तथा भारतबाट समेत सङ्कलक र खरिदकर्ताहरू पाटन मै पुग्ने गर्दछन् ।
यार्सागुम्बा दुर्गमका जनताहरूको प्रमुख आर्थिक स्रोतका रूपमा रहेको छ यहाँ जनता आफ्नो वर्षभरिको पारिवारिक खर्च यार्सा विक्रीबाटै जुटाउने गर्दछन् ।
