काठमान्डौं,२५ वैशाख। नेकपाले मंसिर ११ गतेदेखि १५ गतेसम्म राष्ट्रिय महाधिवेशन गर्ने निर्णय गरेपनि चुनावअघि २२ भन्दा बढी दल मिलेर बनेको नेकपाको संगठन भने यति बेला लथालिंग छ। चुनावअघि नै २४९९ लाई केन्द्रीय सदस्य बनाए पनि ती सबैको तथ्यांक नेकपासँग छैन। एकपटक शपथ खाएपछि तितरबितर बनेका केन्द्रीय सदस्यहरू कतिजना पार्टीमा छन् निश्चित छैन। नेकपा नेताहरूका अनुसार पार्टीले समेत केन्द्रीय सदस्यहरूको नाम समेट्न सकेको छैन।
नेकपाले मंसिर ११ गतेदेखि १५ गतेसम्म राष्ट्रिय महाधिवेशन गर्ने निर्णय गरेपनि चुनावअघि २२ भन्दा बढी दल मिलेर बनेको नेकपाको संगठन भने यति बेला लथालिंग छ। चुनावअघि नै २४९९ लाई केन्द्रीय सदस्य बनाए पनि ती सबैको तथ्यांक नेकपासँग छैन। एकपटक शपथ खाएपछि तितरबितर बनेका केन्द्रीय सदस्यहरू कतिजना पार्टीमा छन् निश्चित छैन। नेकपा नेताहरूका अनुसार पार्टीले समेत केन्द्रीय सदस्यहरूको नाम समेट्न सकेको छैन।
नेकपामा नेतृत्वबाट पुराना नेताहरूले छाड्नुपर्ने दबाब पनि बढिरहेको छ। ४५ सदस्य संयोजन समितिमा रन्जिता श्रेष्ठबाहेक सबै ५० माथिका छन्। नेतृत्वमा भने ४० वर्षमुनिका युवा आउनुपर्नेमा चौर्तर्फी माग बढेको छ।
नेकपा नेता रन्जित तामाङ पार्टी रूपान्तरणका लागि नेतृत्व हस्तान्तरणको समय आएको बताउँनु हुन्छ। उहाँ सहितका नेताहरूले पार्टीमा युवाको वर्चस्व कायम गर्दै समयबद्ध बन्न अनुरोध गरेका छन्।
नकेपाका युवा नेताहरूले नेतृत्व हस्तान्तरणका लागि दबाबमूलक अभियान अघि सारेका छन्। नेकपा केन्द्रीय सदस्य डीपी ढकाल, रामदीप आचार्य, फुर्वा तामाङसहितका नेताहरूले अहिले अभियान चलाएका हुन्। ‘अब नेतृत्व नयाँ तरिकाले आउनुपर्छ। यथास्थितिमा नेतृत्व फेरेर अघि बढ्नु नेकपा बच्नु हो,’ अभियानका एक अगुवा भन्छन्, ‘नेतृत्वमा नयाँ पन नल्याउने हो भने पार्टी अझै सकिन्छ।’
नेकपाले गत आमनिर्वाचनमा अपेक्षाकृत मत नल्याएपछि युवापंक्ति असन्तुष्ट छ। पहिलो शक्ति बन्ने दाबी गर्दै चुनावमा गएको नेकपाले १७ सिट जितेको छ।
