दमक, दमक गोल्ड कप । यसले दमकलाई बेग्लै पहिचान दिएको थियो । देशभरबाट यसको चर्चा हुने गरेको थियो । खेलाडीहरु उत्साहीत हुन्थे । खेलप्रेमीहरु देशभरबाट यहाँ खेल हेर्ने आउथे । तर बिगत केहि वर्ष यता देखी भने दमकमा गोल्ड कप हुदैन । तर दमक गोल्ड कप नभएपनि खेलकुदका गतिविधी हुदै हुदैनन भन्ने चाहि होईन । यहाँ हरेक वर्ष गोल्ड कप हुने सिजनमा हुने गरेको छ दमक खेलकुद महोत्सव ,
यसै सन्दर्भमा दमक नगरपालिकाले शुक्रबार पत्रकार सम्मेलन गर्यो । बिभिन्न ९ वटा बिधामा समय समयमा हुने खेल तालीका पनि सार्वजनिक गर्यो ।
पत्रकार सम्मेलनमा दमक नगर खेलकुद विकास समितीका अध्यक्ष भीम चौलागाईले फूटवल गत बैशाख २१ गते देखीनै सुरु भएको छ र बाँकी खेल हुने तालीकाका बारेमा जानकारी गराउनु भयो । उहाँले २८ गते चाहि महोत्सवको औपचारीक उद्धघाटन गरीने बारेमा पनि जानकारी गराउनु भयो ।
बाईट, भीम चम्लागाई, खेलकुद समिती अध्यक्ष, दमक नगरपालिका
उसो त दमकमा दमक गोल्ड कप चाहि किन नगराएको भनेर पत्रकार सम्मेलनमा प्रश्न पनि उठ्यो । यसबारेमा दमक नगरपालिकाका प्रमुख राम कुमार थापाले दमक गोल्ड कप धेरै खर्चिलो तर उपलब्धी भने न्यून मात्रै हुने भएकोले गोल्ड कप नगरको जानकारी गराउनु भयो ।
उसो त गोल्ड कपलाई कटाएर दमक खेलकुद महोत्सव गर्ने योजना पनि मेयर थापाकै रहेकोले खेलकुद महोत्सवले के फाईदा दिइरहेको छ भन्ने जीज्ञासा पनि सो अवसरमा उत्पन्न भयो । यो जीज्ञासालाई समेत मेट्दै नगर प्रमुख थापाले भन्नु भयो अहिले कम्तिमा सबै खेलका स्थानीय खेलाडीले खेल्न पाएका छन् । आफ्नो खेल अनुसारको टिम बनेको छ । अव हरेक खेलकको नगर स्तरको एउटा बेग्लै टिम हुने छ । यो दमक नगरको बेग्लै पहिचान हुने छ । हामी त्यसलाई व्यवस्थित गर्दै स्थापीत गराउने छौ । उहाँले बताउनु भयो ।
यो पटकको खेलकुद महोत्सवमा भलिबल, फूटल, कृकेट, व्याडमिण्टन , चेस, एथ्लेटिक्स, कराते, आई टि एफ तेक्वान्दो, डब्लु टि एफ तेक्वान्दो गरी नौ वटा विधामा प्रतियोगीता हुने छ । हरेक प्रतियोगीताका बिजेता, उप बिजेताहरुलाई छुटछुट्नै नगद, मेडल, ट्रफि र प्रमाणपत्र प्रदान गरिने समेत जनाइएको छ । महोत्सवजको उद्धघाटन २८ गतेका दिन दमक नगरपालिकाको भवनबाट पञ्चेवाजा सहित दमक ७ नमुना बस्ति छेउमा रहेको दमक नमुना व्याडमीण्टन एकेडेमीमा भव्य तरिकाले गर्ने तयारी गरीएको छ भने यसको समापन दमक १० मा रहेको आम्बारी खेल मैदानमा पुरस्कार बितरण सहित गर्ने बताइएको छ ।
