सुर्खेत ,२८ वैशाख। नेपाली काँग्रेसका महामन्त्री प्रदीप पौडेलले नेपाली काँग्रेसलाई नयाँ ऊर्जासहित पुर्नजागरण गर्न जरा अभियान थालिएको बताउनु भएको छ । उहाँले अभियानले कुनै गुट र सिमित ब्यक्तिहरुलाई केन्द्रित नबनाएबको बताउनु भयो ।
नेपाली काँग्रेस केन्द्रीय नीति, अनुसन्धान तथा प्रशिक्षण प्रतिष्ठानले वीरेन्द्रनगरमा आयोजना गरेको कर्णाली प्रदेश स्तरीय भेलालाई सम्बोधन गर्दै महामन्त्री पौडेलले नेपाली काँग्रेसले गठबन्धनको राजनितिलाई काँग्रेसले अन्त्य गरेको र सबै निर्वाचन क्षेत्रमा काँग्रेसले आफ्ना उम्मेदवारहरु उठाउन सफल भएको बताउनु भयो ।
‘चुनाव जित्नकै लागि गठबन्धन गरेर बिचार र सिद्वान्तलाई छोडेर जाने कार्यको अन्त्य भएको छ’ उहाँले भन्नु भयो, ‘सत्तामा जानकै लागि जोफसंग पनि गठबन्धन हुँदैन । आफ्नो सिद्वान्त बोकेर जनतासंग जान चाहन्छ ।’
काँग्रेसका क्रियाशील सदस्यहरुले अभिलेख व्यवस्थित गर्न र सदस्यता इतिहास सुरक्षित गर्न सदस्यता अध्यावधिक थालिएको उहाँले बताउनु भयो। सदस्यताका बिषययमा आएका विभिन्न टिप्पणीहरुको खण्डन गर्दै उहाँले सदस्यहरुबीच भावनात्मक निकटताका लागि पनि आवश्यक भएको उहाँको भनाइ छ ।
विगतमा के भयो भन्ने भुल्दै सिंगो पार्टी एकता अहिलेको आवश्यकता भएको भन्दै उहाँले पार्टी एकताका लागि प्रयास भई रहेको उहाँले बताउनु भयो । प्रतिष्पर्धाको राजनितिमा सदस्यता डिजिटलाइजेसन पनि जरुरी भएको उहाँको भनाई छ ।
काँग्रेसको प्रदेश स्तरीय भेलामा सभापति गगन कुमार थापा, उपसभापति बिश्वपणरकाश पौडेललगायतका नेताहरुको सहभागिता रहेको छ ।
