एजेन्सी । यूएईले आफ्नो तेल निर्यात क्षमता विस्तार गर्न र हर्मुज जलयोजकको अवरोध मार्गलाई छल्नका लागि फुजैराहसम्मको नयाँ पश्चिम–पूर्व पाइपलाइनको निर्माणलाई तीव्रता दिइरहेको छ ।
सन् २०२७ मा सञ्चालनमा आउने अपेक्षा गरिएको यस परियोजनाले आबुधाबी नेशनल आयल कम्पनीको निर्यात क्षमतालाई दोब्बर बनाउनेछ ।दोस्रो पाइपलाइन परियोजना यस्तो समयमा आएको छ जब विश्वव्यापी ऊर्जा आपूर्ति दबाबमा छ, हर्मुज जलयोजकबाट हुने प्रवाह अत्यन्त सीमित छ र ऊर्जा पूर्वाधार तथा ढुवानीमा भएका पटक–पटकका आक्रमणहरूले यूएईको सामान्य उत्पादन पुनः सुरु गर्ने क्षमतालाई खुम्च्याएको छ ।आबुधाबीका क्राउन प्रिन्स शेख खालिद बिन मोहम्मद बिन जायद अल नाहयानले शुक्रबार बढ्दो विश्वव्यापी ऊर्जा माग पूरा गर्न पाइपलाइनको काम छिटो सम्पन्न गर्न आह्वान गरे ।
कम्पनीको कार्यकारी समितिको बैठकका क्रममा क्राउन प्रिन्सले भने, ‘एडीएनओसी जिम्मेवार र भरपर्दो विश्वव्यापी ऊर्जा उत्पादकको रूपमा राम्रो स्थितिमा छ र निर्यातका अवरोधहरू हट्दा बजारको आवश्यकता अनुसार जिम्मेवार ढंगले उत्पादन बढाउन सक्ने यसको सञ्चालन लचिलोपन छ ।’
यूएईले हर्मुज जलयोजक छल्ने नयाँ पाइपलाइन निर्माण गर्दैछ ।
यूएईले यसै महिनाको सुरुमा तेल उत्पादक समूह ओपेकबाट बाहिरिने घोषणा गरेको थियो जसको ऊ सन् १९६७ देखि ९यूएई स्थापना हुनुभन्दा अघिदेखि नै० सदस्य थियो । यूएईले आफ्नो उत्पादन क्षमता बढाउन एडीएनओसी मार्फत ठूलो लगानी गरिरहेको छ ।
युद्धअघि यूएईले दैनिक ३० लाख ब्यारल भन्दा केही बढी तेल उत्पादन गरिरहेको थियो जुन मोटामोटी रूपमा ओपेक प्लसको लक्ष्य अनुसार नै थियो । आबुधाबीले दैनिक ४९ लाख ब्यारल उत्पादन गर्ने क्षमताको लक्ष्य राखेको छ । अहिले युद्धका कारण यूएईले दैनिक १८ लाख देखि २१ लाख ब्यारल मात्र उत्पादन गरिरहेको छ ।
आबुधाबी क्रुड आयल पाइपलाइनलाई हब्शान–फुजैराह पाइपलाइन पनि भनिन्छ । यो यूएईले हर्मुज जलयोजक बाहेक आफ्नो तेल निर्यात गर्न सक्ने एकमात्र हालको पाइपलाइन हो । यसले दैनिक १८ लाख ब्यारलसम्म तेल बोक्न सक्छ ।
