काठमान्डौं,३ जेठ । मदन–आश्रित स्मृति दिवसका अवसरमा नेकपा एमालेले आइतबार बल्खुस्थित आफ्नो पुरानो कार्यालय परिसर मदननगरमा आयोजना गरेको कार्यक्रममा पूर्वराष्ट्रपति विद्यादेवी भण्डारीलाई प्रमुख अतिथिका रूपमा प्रस्तुत गरेको छ। पार्टी सदस्यता निलम्बन गरिएपछि एमाले कार्यक्रममा उxfFको यो पहिलो औपचारिक उपस्थिति हो, जसलाई एमालेभित्र विकसित नयाँ शक्ति–सन्तुलनको संकेतका रूपमा हेरिएको छ।
तत्कालीन महासचिव मदन भण्डारी र संगठन विभाग प्रमुख जीवराज आश्रितको दासढुंगा दुर्घटनामा निधन भएको ३३ वर्ष पुगेको सन्दर्भमा आयोजित कार्यक्रममा एमालेका अधिकांश शीर्ष नेताहरू उपस्थित रहे। उपाध्यक्षहरू रामबहादुर थापा, विष्णु पौडेल र गोकर्ण विष्टदेखि महासचिव शंकर पोखरेल, उपमहासचिव योगेश भट्टराई तथा सचिवहरू पद्मा अर्याल, भानुभक्त ढकाल, हिक्मत कार्की, राजन भट्टराई र खगराज अधिकारीसम्मको सहभागिताले कार्यक्रमलाई विशेष राजनीतिक अर्थ दिएको देखिन्छ।
राष्ट्रपति पदबाट बाहिरिएपछि सक्रिय राजनीतिमा फर्कने घोषणा गर्दै एमाले सदस्यता नवीकरण गug'{ ePsL भण्डारीलाई पार्टी नेतृत्वले भने सहज रूपमा स्वीकार गरेको थिएन। अध्यक्ष केपी शर्मा ओलीले उनको सदस्यता रोक्ने निर्णय गरेपछि उनी ११औँ महाधिवेशन प्रक्रियाबाट समेत बाहिरिएकी थिइन्। त्यसयता एमालेभित्र ओली र भण्डारी पक्षबीच दूरी बढ्दै गएको थियो।
महाधिवेशनमा ईश्वर पोखरेल नेतृत्वको समानान्तर शक्ति–प्रयास असफल भएपछि भण्डारी समूह झन् निष्क्रियजस्तै बनेको थियो। तर पछिल्लो प्रतिनिधिसभा निर्वाचनपछि एमाले नेतृत्वमाथि उठेको प्रश्न, पार्टीभित्र ओलीको विकल्प खोज्ने बहस र दोस्रो तहका नेताहरूको सक्रियताले परिस्थिति फेरिन थालेको संकेत देखिएको छ।
यही परिवेशबीच गत साता भक्तपुरको गुन्डुमा ओली–भण्डारी भेटवार्ता भएको थियो। त्यसको केही दिनमै एमालेले भण्डारीलाई प्रमुख अतिथि बनाउनु पार्टीभित्र सम्बन्ध सुधार र सम्भावित शक्ति पुनर्सन्तुलनको संकेतका रूपमा व्याख्या हुन थालेको छ।
