सुशासनको नयाँ ‘एक्सन’: सीआईबीको राडारमा मन्त्रीदेखि बैंकरसम्म, हल्लियो शक्तिशालीको साम्राज्य!

काठमाडौँ २१ जेठ।  पहुँच र शक्तिको आडमा कानुनलाई गोटी बनाउने दिन अब सकिँदै गएका संकेतहरू देखिन थालेका छन् । नेपाल प्रहरीको केन्द्रीय अनुसन्धान ब्युरो (सीआईबी) ले पछिल्लो समय चालेका कदमहरूले मुलुकमा राजनीतिक वा आर्थिक पहुँचका आधारमा अपराध लुकाउन सम्भव छैन भन्ने बलियो नजिर स्थापित गर्दै लगेको छ ।

प्रहरी अतिरिक्त महानिरीक्षक (एआईजी) डा. मनोज केसीले सीआईबीको कमान्ड सम्हालेको ९ महिनाको छोटो अवधिमै ब्युरोले राज्यका उच्च पदस्थ अधिकारी, पूर्वमन्त्री, ठूला व्यावसायिक घरानाका नाइके र बैंकका उच्च अधिकारीहरू जोडिएका सातवटा ‘हाई–प्रोफाइल’ महाघोटाला र आर्थिक अपराधका फाइलहरू खोलेर अनुसन्धानलाई तिव्र पारेको छ । विगतमा ‘सानालाई ऐन, ठूलालाई चैन’ भनिने भाष्यलाई चुनौती दिँदै सीआईबीले यसपटक ‘कानुनभन्दा माथि कोही छैन’ भन्ने सन्देश दिएको छ ।

१. अर्बौँको निर्यात घोटाला: ३०० बढी सरकारी कागजात किर्ते

सरकारी कागजात नै किर्ते गरेर अर्बौँ रुपैयाँ बराबरको सामान विदेश निर्यात गरेको गम्भीर अभियोगमा हेमराज बराल र सुना सुवेदीमाथि सीआईबीले सूक्ष्म अनुसन्धान गरिरहेको छ । यस प्रकरणमा जोडिएका मुख्य अभियुक्तहरूको बैंक खाता र घरजग्गासहितका अचल सम्पत्ति रोक्का गरेर प्रहरीले प्रमाण जुटाउने काम गरिरहेको छ ।

२. दरबारमार्गको नेपाल ट्रस्ट जग्गा लिज प्रकरण

राज्यको बहुमूल्य सम्पत्तिमाथि कसरी गिद्धे नजर लगाइन्छ भन्ने उदाहरण दरबारमार्गस्थित नेपाल ट्रस्टको जग्गा लिज प्रकरणले देखाएको छ । राज्यलाई अर्बौँको हानी–नोक्सानी पुर्‍याउने नियतले खेलिएको यो खेलमा लेखबहादुर कार्कीविरुद्ध संगठित अपराधअन्तर्गत अनुसन्धान भइरहेको छ । यस प्रकरणमा पनि अभियुक्तहरूको सम्पत्ति रोक्का भइसकेको छ ।

३. ‘फेक रेस्क्यु‘ को अन्तर्राष्ट्रिय बदनामी

नेपालको पर्यटन क्षेत्रलाई नै अन्तर्राष्ट्रियस्तरमा बदनाम गराउने गरी हिमाल आरोहण तथा ट्रेकिङमा जाने पर्यटकहरूको नक्कली उद्धार (फेक रेस्क्यु) गरेको र विदेशी बिमा कम्पनीहरूबाट करोडौँ रकम असुलेको गम्भीर मुद्दामा अझै अनुसन्धान जारी छ । यस प्रकरणमा राजेन्द्रबहादुर सिंह, मुक्ति पाण्डे र श्यामसुन्दर कँडेलसहित ३३ जना आरोपीहरू सीआईबीको फन्दामा परेका छन् ।

४. स्मार्ट सेल र मेगा बैंकका सीईओमाथि डन्डा

दूरसञ्चार सेवा प्रदायक ‘स्मार्ट सेल’ को स्वामित्व हस्तान्तरण तथा खरिद–बिक्रीका क्रममा भएको ठगी र आपराधिक लाभ (एक्स्टोर्सन) को मुद्दामा नेपाल इन्भेस्टमेन्ट मेगा बैंकका प्रमुख कार्यकारी अधिकृत (सीईओ) ज्योतिप्रकाश पाण्डे तानिएका छन् । वित्तीय क्षेत्रमा स्थापित नाम भए पनि अपराध अनुसन्धानमा उनी जोगिन सकेनन् र हाल अदालतको आदेशपछि हिरासतबाहिरै रहेर अनुसन्धानको सामना गरिरहेका छन् ।

५. सार्वजनिक खरिदमा मिलोमतो: पूर्वमन्त्री र ठूला ठेकेदारको कनेक्सन

सार्वजनिक खरिद अनुगमन कार्यालयसँग जोडिएको ठेक्का प्रक्रियामा करोडौँको अनियमितता गरेको आरोपमा पूर्वमन्त्री ऋषिकेश पोखरेल, बहालवाला सांसद तथा व्यवसायी विक्रम पाण्डे र दिवाकर देउजा सीआईबीको अनुसन्धानको दायरामा छन् । यस प्रकरणका केही अभियुक्तहरू पुर्पक्षका लागि थुनामा छन् भने केही धरौटीमा रिहा भएर अनुसन्धानको घेरामा छन् ।

६. सेयर बजारको खेल र व्यावसायिक घरानाको साख संकटमा

सेयर बजार र धितोपत्रमा हुने भित्री खेल (इन्साइडर ट्रेडिङ) मा समेत सीआईबीले कडा नजर राखेको छ । हिमालयन रिइन्स्योरेन्स र सन नेपाल लाइफ इन्स्योरेन्सको सेयर कारोबार र विवरण हेरफेरको अनुसन्धान अन्तिम चरणमा पुगेको छ । यस्तै, सम्पत्ति शुद्धीकरणको मुद्दामा पक्राउ परेका ‘शंकर ग्रुप’ का सञ्चालक सुलभ अग्रवाललाई समेत सीआईबीले छानबिनको दायरामा ल्याएर ठूला व्यापारिक घरानालाई समेत कानुनको दायरामा उभ्याएको छ ।

७. भन्सारको भेप (इलेक्ट्रोनिक चुरोट) गायब प्रकरण

भन्सारको गोदामबाटै बरामद गरिएको सुनसहितको भेप गायब पारेर संगठित रूपमा आपराधिक लाभ लिने गिरोहको पर्दाफास सीआईबीले गरेको छ । यस घटनाले सरकारी संयन्त्रभित्रै कतिसम्मको संगठित आर्थिक अपराध र प्रशासनिक क्षयीकरण छ भन्ने कुराको नांगो चित्र बाहिर ल्याएको थियो ।

विश्लेषकको मत: दण्डहीनताको संस्कृतिमाथि प्रहार

सुरक्षा र प्रशासनिक क्षेत्रका जानकारहरूका अनुसार यस्ता शक्तिशाली व्यक्तिहरू संलग्न भएका जटिल आर्थिक अपराध, साइबर अपराध र उच्च तहको वित्तीय अनियमितताको अनुसन्धान गर्नु सामान्य विषय होइन । राजनीतिक दबाब र प्रभावलाई चिर्दै सीआईबीले देखाएको यो सक्रियताले देशमा कानुनी शासन, आर्थिक अनुशासन र सुशासन सुदृढ बनाउन कोशेढुङ्गाको काम गर्ने विश्लेषकहरूको मत छ । मन्त्री, व्यापारीदेखि बैंकका सीईओसम्मलाई कानुनी कठघरामा ल्याउने सीआईबीको यो नयाँ शैलीले राज्य संयन्त्र र न्याय प्रणालीप्रति आम नागरिकको गुम्दै गएको विश्वासलाई पुनः जगाउने अपेक्षा गरिएको छ ।

उज्यालोखबरमा प्रकाशित तथा प्रशारित सामग्रीबारे कुनै प्रतिक्रिया, सुझाव या सल्लाह भए ujyaalokhabar112@gmail.com मा पठाउनु होला ।

Share:

ताजा समाचारहरु

प्रधानमन्त्री बालेन्द्र शाह भारत प्रस्थान, दिल्लीमा राज्यमन्त्रीद्वारा स्वागत

काठमाडौं ,६ मंसिर। प्रधानमन्त्री बालेन्द्र (बालेन) शाह दुईदिने राजकीय भ्रमणका लागि भारत पुग्नु भएको छ ।भारतीय प्रधानमन्त्री नरेन्द्र मोदीको निमन्त्रणामा प्रधानमन्त्री शाह आइतबार भारतको नयाँदिल्ली

३५ सदस्यीय टोलीसहित प्रधानमन्त्री शाहको भारत भ्रमण

काठमाडौं ,६ मंसिर। प्रधानमन्त्री बालेन्द्र शाहको भारतको औपचारिक राजकीय भ्रमणमा ३५ सदस्यीय प्रतिनिधिमण्डल सहभागी भएका छन् ।भ्रमण टोलीमा प्रधानमन्त्री शाहसहित अर्थमन्त्री डा. स्वर्णिम वाग्ले, परराष्ट्रमन्त्री

विराजभक्त श्रेष्ठ कार्यवाहक प्रधानमन्त्री

काठमाडौं ,६ मंसिर। ऊर्जा, जलस्रोत तथा सिँचाइमन्त्री विराजभक्त श्रेष्ठले कार्यवाहक प्रधानमन्त्रीको जिम्मेवारी पाँउनु भएको छ। प्रधानमन्त्री बालेन्द्र शाह भारत भ्रमणमा निस्केपछि श्रेष्ठले कार्यवाहक प्रधानमन्त्रीको जिम्मेवारी

३५ सदस्यीय टोलीको नेतृत्व गर्दै प्रधानमन्त्री बालेन्द्र शाह भारत भ्रमणमा प्रस्थान

काठमाडौं ,६ मंसिर। प्रधानमन्त्री बालेन्द्र शाह ३५ सदस्यीय प्रतिनिधिमण्डलको नेतृत्व गर्दै भारतको औपचारिक राजकीय भ्रमणका लागि प्रस्थान गर्नु भएको छ ।प्रधानमन्त्री शाहसँगै अर्थमन्त्री डा. स्वर्णिम

कीर्तिमानै कीर्तिमानका साथ एनपीएलको तेस्रो संस्करण सम्पन्न, सुदूरपश्चिम च्याम्पियन

काठमाडौं ,६ मंसिर। नेपाल प्रिमियर लिगको तेस्रो संस्करण शनिबार सम्पन्न भएको छ । नेपाल क्रिकेट संघ(क्यान)को आयोजनामा कात्तिक ९ गतेदेखि सुरु भएको प्रतियोगितामा आठ टोली

अस्ट्रेलियाका पूर्व सांसद म्याग्वायरलाई ३ वर्ष जेल सजाय

सिड्नी,६ मंसिर । चिनियाँ नागरिकहरूको भिसा आवेदनमा नक्कली रोजगारी प्रायोजन (स्पोन्सरसिप) मिलाउने योजनामा संलग्न रहेको अभियोगमा अस्ट्रेलियाको न्यू साउथ वेल्स (एन् एस् डब्ल्यू) राज्यका पूर्व

नेपालको आकाशमार्ग प्रयोग गरी सैन्य विमान उडाउने प्रस्ताव नगरेको भारतको भनाइ

काठमाडौं,६ मंसिर । भारतले नेपालको आकाशमार्ग प्रयोग गरी सैन्य विमान सञ्चालन गर्ने प्रस्ताव नगरेको स्पष्ट पारेको छ । भारतीय सैन्य विमानलाई नेपालको बागडोगरा प्रवेश बिन्दु